E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Produktet ushqimore që e mbrojnë lëkurën

12 Maj 2015, 14:00, Lifestyle CNA

Jeni lodhur duke përdorur produkte të shtrenjta dhe joefektive bukurie? Është koha t?i flakni ato produkte të padobishme dhe të filloni të hani ushqime për të pasur një lëkurë të përsosur. Ne ju prezantojmë pesë produktet që nuk duhet t?i mungojnë dietës suaj ushqimore.

– Specat e kuq: Këto perime të shijshme mund të shijohen të gjalla ose të gatuara. Një spec i kuq përmban më tepër se 100 për qind të nevojave ditore për vitaminë C. Po ashtu, ajo përmban sasi të mëdha të fibrave dietike dhe vitaminë B6. Është e pasur në karotenoide, të cilat ndihmojnë në parandalimin e rrudhave dhe rrisin qarkullimin e gjakut në lëkurë, duke e bërë atë të duket më e re. Ato luftojnë aknet, prandaj konsumimi i tyre pa dyshim se do t?ju bëjë të ndjeheni dhe të dukeni shumë më e re sesa që në realitet jeni.

– Salmoni: Mishi nga peshku i salmonit është një ushqim i shkëlqyer për të luftuar stresin, ankthin dhe depresionin. Po ashtu, ai ofron shumicën e vitaminës D për të cilën ka nevojë trupi. Vitamina D është përgjegjëse për ruajtjen e zemrës, kockave, zorrës së trashë dhe trurit. Ajo parandalon kancerin e zorrës së trashë, depresionin, ankthin dhe sëmundjet e zemrës dhe kockave. Salmoni është i pasur me acidin omega 3, që është i shkëlqyer për të luftuar inflamacionin, rrudhat dhe aknet. Ajo që është e rëndësishme, është se mishin e këtij peshku mund ta gjeni gjatë tërë vitit, prandaj mos ngurroni, por konsumoni sa më shumë mish të tillë.

– Vaji i arrës së kokosit: Ai është një nga burimet më të pasura të yndyrave të ngopura. Përmban acid laurik, një agjent antibakterial dhe antiviral që mbron nga viruset, infeksionet, inflamacioni dhe aknet. Ai është i pasur me vitaminën E, e cila është perfekt për ta ruajtur lëkurën të hidratuar, të butë dhe pa rrudha. Ka shumë preparate kozmetike të cilat si bazë e kanë këtë vaj, prandaj mbetet tek ju që t?i gjeni dhe t?i blini ato, pasi rezultatet në fytyrën dhe trupin tuaj do të jenë shumë të qarta.

– Çaji i gjelbër: Është një burim i shkëlqyer antioksiduesish dhe një aminoacidi unik, L-teaninës, që ndihmon në qetësimin e trupit dhe uljen e stresit. Pini tre ose më tepër filxhanë çaji të gjelbër në ditë për rezultate më të mira. Është forma më e lirë dhe më e mirë për t?i dhënë lëkurës suaj materiet e nevojshme që të duket e bukur dhe e freskët.

– Spinaqi: Spinaqi është një ushqim i shëndetshëm dhe i pasur me vlera ushqyese që duhet ta përfshijmë në dietën e përditshme. Ai është burim i hekurit, folatit, klorofilit, vitaminës E, magnezit, vitaminës A, fibrave, proteinave bimore dhe vitaminës C. Në sajë të aftësive antioksidues, vitaminës C, E dhe A, ai është i jashtëzakonshëm për lëkurën.