web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ 4 javë kampionat, largohet trajneri në Shqipëri

22 Shtator 2025, 17:46, Sport CNA

ZYRTARE/ 4 javë kampionat, largohet trajneri në Shqipëri

Erjon Xhafa është larguar nga drejtimi i Lushnjës, me dorëheqjen e tij të konfirmuar nga vetë klubi. Arsyeja e vendimit është personale, siç është theksuar në komunikatën zyrtare. Lushnja ka pasur një fillim të vështirë në Kategorinë e Parë, duke regjistruar katër barazime në katër ndeshjet e para.

Në njoftim, klubi shprehu mirënjohje për punën dhe përkushtimin e Xhafës gjatë periudhës së tij në pankinë. Me largimin e tij, Lushnja do të nisë menjëherë punën për të gjetur pasuesin.

POSTIMI:

KF Lushnja njofton se trajneri Erjon Xhafa, për arsye krejtësisht personale, ka vendosur të dorëzojë detyrën e tij në drejtimin e skuadrës sonë.

Ky nuk është thjesht një lajm largimi, por një moment reflektimi dhe falënderimi për një profesionist që dha shpirtin, mundin dhe pasionin në fushë për ngjyrat verdhjeshile.

Gjatë kësaj periudhe, trajneri Xhafa nuk ishte vetëm udhëheqës teknik, por edhe një shembull për futbollistët tanë, një njeri që punoi me zemër dhe me përkushtim për klubin dhe qytetin tonë.

KF Lushnja i shpreh mirënjohjen e pakufishme për çdo ditë pune dhe për çdo emocion që i dhuroi ekipit dhe tifozëve tanë.

Faleminderit për gjithçka, Mister Xhafa! Lushnja do të mbetet gjithmonë shtëpia juaj!





Lajmet e fundit nga