LEXO PA REKLAMA!

SHKARKO APP

Zhoze Murinjo beson ende te shqiptari, shpall Marash Kumbullën të pashitshëm

28 Qershor 2022, 09:48, Sport CNA
Zhoze Murinjo beson ende te shqiptari, shpall Marash Kumbullën të
Murinjo - Kumbulla

Nuk i dha asnjë minutë në finalen e Ligës së Konferencës në Tiranë... E përdori në konferencën për shtyp, duke i bërë thirrje në emër të tij tifozërisë shqiptare që të bënin tifozllëk për Romën e tij, por në fund Zhoze Murinjo është i bindur se Marash Kumbulla ka ende vend te Roma.

Të paktën këto janë informacionet e fundit që vijnë nga “Trigoria” (qendra stërvitore e verdhekuqve). Trajneri i kryeqytetasve i dha mjaft hapësirë mbrojtësit të Kombëtares shqiptare në fillimin e fazës së dytë, si në Serinë A ashtu sikurse në Europë, por minutazhi në rënie i fundsezonit u duk se riktheu sërish një krisje mes “Special One” dhe Marash Kumbullës.

Por nuk është kështu, pasi burime nga Italia garantojnë se Zhoze Murinjo e ka shpallur Marash Kumbullën të pashitshëm. Kujtojmë që 22-vjeçari ka një kontratë me Romën deri në vitin 2025. /CNA.AL

Lajmet e fundit nga