web counter
LEXO PA REKLAMA!

SHKARKO APP

App Store
Google Play

Tirana gjithnjë e më pranë firmës me Emanuele Ndoj

27 Qershor 2022, 15:49, Sport CNA
Tirana gjithnjë e më pranë firmës me Emanuele Ndoj
Emanuele Ndoj

Tirana synon gjithnjë lojtarë cilësorë dhe një pjesë e objektivave së fundmi kanë qenë ata që janë pjesë e Kombëtares shqiptare. Së fundmi ka dalë në skenë edhe emri i mesfushorit Emanuele Ndoj, i cili pas dëmtimeve të shpeshta që pësoi në sezonet e fundit, e humbi vendin e titullarit të Bresha. Më pas 26-vjeçari u huazua te Kozenca, por pa mundur të lërë gjurmë.

“Panorama Sport”  shkruan se klubi bardheblu ka nisur zyrtarisht kontaktet me futbollistin dhe pret një përgjigje nga ai. Ndoji do të ishte një alternativë e mirë në mesfushë dhe nëse do të përshtatej, mund të ndiqte rrugën e Seferit, i cili pas një sezoni fantastik u shpall kampion dhe ka oferta të rëndësishme për të luajtur jashtë Shqipërisë.

Mesfushori 25-vjeçar numëron 4 ndeshje me fanellën kuqezi të Shqipërisë, plot 18 ndeshje në Serinë A italiane dhe dhjetëra të tjera në Serinë B, teksa Tirana do të ishte një trampolinë mjaft e mirë, për ta drejtuar sërish drejt niveleve të larta.

Nga ana tjetër, edhe bardheblutë do të përfitonin jo pak nga eksperienca dhe cilësitë e Ndojit, për të përforcuar edhe më shumë ekipin me synimin për të arritur në grupet e kompeticioneve europiane, ndaj edhe kanë nisur kontaktet, për ta bindur të transferohet në kryeqytet.





Lajmet e fundit nga