web counter
LEXO PA REKLAMA!

SHKARKO APP

App Store
Google Play

E fundit!

x

Ylli i Liverpulit zbarkon në Milano, do të firmosë me “Djajtë”

27 Qershor 2022, 18:52, Sport CNA

Më në fund edhe merkato e Milanit duket se ka nisur të zhbllokohet. Pas një furtune me emra që kanë qarkulluar, vjen edhe goditja e parë e vërtetë.

Bëhet fjalë për Divok Origin, sulmuesin që la Liverpulin me parametër zero dhe tani pritet që të nënshkruajë me “Djallin”. Sulmuesi belg ka nisur bisedimet dhe ka gjetur akordin me kuqezinjtë thuajse që prej janarit dhe pasi të kalojë vizitat mjekësore e pret një kontratë 4-vjeçare prej 3.5 milionë milionë eurosh neto si rrogë, plus bonuse.

Origi zbarkoi në Milano mbrëmjen e djeshme rreth orës 18:30 dhe me shumë mundësi do të jetë nën urdhrat e Stefano Piolit që në ditën e parë të grumbullimit. Me Zlatan Ibrahimoviçin që do të qëndrojë jashtë fushave edhe për të paktën 5 muaj të tjerë, 27-vjeçari do të jetë pa dyshim një alternativë shumë e rëndësishme për bomberin veteran, Olivie Zhiru.

Origi vërtet nuk ka luajtur shumë në katër sezonet e fundit me Liverpuli (60 ndeshje dhe 16 gola), por në ndeshjet e mëdha ka qenë vendimtar, si në sezonin 2018-2019, ku në gjysmëfinale përmbysi me një dopietë fitoren 3-0 të Barcelonës në “Kamp Nou”, por realizoi gjithashtu edhe në finalen e Champions-it të fituar kundër Totenhemit nga të kuqtë. E thënë ndryshe, belgu garanton shumë eksperiencë në aspektin ndërkombëtar, gjë e cila do t’i duhet jo pak Milanit në Champions-in e sezonit të ardhshëm.





Lajmet e fundit nga