web counter
LEXO PA REKLAMA!

SHKARKO APP

App Store
Google Play

E fundit!

x

Salah: Rinovimi? Zhgënjyese që nuk kam marrë një propozim, ndoshta jam...

25 Nëntor 2024, 13:11, Sport CNA
Salah: Rinovimi? Zhgënjyese që nuk kam marrë një propozim,
Mohamed Salah, Liverpool

Liverpool vazhdon të dominojë në Premier League, teksa këtë fundjavë fitoi me rezultatin 2-3 në transfertën e Southampton.

Duke folur për mediet pas kësaj sfide ku ishte protagonist me dy gola, Mohamed Salah e vendosi theksin te rinovimi, teksa u shpreh se ende nuk ka marrë asnjë propozim nga klubi i “The Reds”.  

"Ishte një sukses shumë i rëndësishëm për ne. Ndeshja nuk ishte aspak e lehtë, por në fund jemi shumë të lumtur për tri pikët. Rinovimi im? Jemi pothuajse në dhjetor dhe nuk kam marrë ende asnjë propozim për rinovim. Kështu që ndoshta jam më shumë jashtë se brenda... Unë kam shumë vite këtu dhe nuk ka asnjë klub si ky, por e ardhmja nuk është e gjitha në duart e mia. Unë i dua fansat dhe ata më duan mua, por ne nuk vendosim. Tani le të presim dhe të shohim, sigurisht është zhgënjyese që nuk kam pasur ende as edhe një propozim” - tha sulmuesi.

Një mesazh ky nga ana e Mohamed Salah për drejtuesit e klubit të Liverpool.

Sulmuesi egjiptian ka kontribuuar në 23 gola në 18 ndeshje këtë sezon, duke shënuar 13 gola dhe duke dhuruar 10 asiste.

Ndërkohë, vlen të theksohet se këtë sezon Liverpool ka bërë shumë mirë, teksa pas 12 javëve kampionat mban kreun e renditjes së Premier League me 31 pikë, tetë pikë më shumë se Manchester City i vendit të dytë./CNA

 





Lajmet e fundit nga