web counter
LEXO PA REKLAMA!

SHKARKO APP

App Store
Google Play

Garë e fortë për titullin, Lazio mban ritmin e kundërshtarëve

25 Nëntor 2024, 08:22, Sport CNA
Garë e fortë për titullin, Lazio mban ritmin e
Lazio

Gara e titullit të Serie A vazhdon të jetë shumë e fortë këtë sezon.

Lazio mban të njëjtin hap me Fiorentina-n, Inter-in, Atalanta-n dhe Napoli-n, teksa ka marrë 3 pikët në takimin e javës së 13-të të Serie A.

Ndeshja e luajtur në “Olimpico” kundër Bologna-s u mbyll me rezultatin 3-0, me Lazio-n që diktoi ritmin e sfidës.

Miqtë mbetën me dhjetë lojtarë që nga minuta e 35’, kur Pobega u ndëshkua me kartonin e dytë të verdhë, megjithatë fraksioni i parë u mbyll me porta të paprekura.

Në pjesën e dytë vendasit u shfaqën më kërkues, teksa patën mundësinë për të zhbllokuar sfidën në minutën e 66’ me Dia, me golin që u anulua për pozicion të parregullt pas verifikimit në VAR.

Vetëm dy minuta më pas Gigot kaloi Lazio-n në avantazh, teksa në minutën e 72’ Zaccagni dyfishoi avantazhin e vendasve.

Kjo sfidë u vulos në shtesë, më saktë në minutën e 90+2’, kur Dele-Bashiru shënoi golin e tretë për skuadrën e tij.

Në fund 3-0 dhe Lazio renditet në vend të pestë me 28 pikë, po aq sa Fiorentina, Inter-i dhe Atalanta që renditen në vendet e katërt, tretë dhe dytë dhe vetëm një pikë më pak se Napoli që mban kreun.

Ndërkohë, Bologna pozicionohet në vend të tetë me 18 pikë./CNA





Lajmet e fundit nga