web counter
LEXO PA REKLAMA!

SHKARKO APP

App Store
Google Play

Roma synon të blejë Saelemaekers , trajneri i Milanit bëhet pengesë

8 Janar 2025, 21:18, Sport CNA

Roma synon të blejë Saelemaekers , trajneri i Milanit bëhet

Alexis Saelemaekers po shkëlqen te Roma, me trajnerin Klaudio Ranieri që e ka kthyer sulmuesin belg në një nga pikat kyçe të skuadrës. Që nga ardhja e tij në fundin e merkatos së verës, në huazim nga Milani, sulmuesi ka treguar një formë të jashtëzakonshme, duke bindur drejtuesit Romës për ta bërë transferimin e tij të përhershëm.

Roma është e vendosur të sigurojë kartonin e belgut, i cili aktualisht zotërohet nga Milani deri në vitin 2027.

Klubi kryeqytetas po përgatit oferta konkrete, duke përfshirë mundësinë e shkëmbimit të me Tami Abraham ose të Brajan Kristante, një mesfushor që duket se nuk bën më pjesë në planet e trajnerit Ranieri. Këto lëvizje tregojnë dëshirën e madhe të Romës për ta mbajtur Saelemaekers në Olimpico, pasi e shohin atë si pjesë të rëndësishme për të ardhmen.

Megjithatë, Milani nuk është i gatshëm ta humbasë lehtë lojtarin. Trajneri i ri, Serxho Kosenso po mendon për skuadrën e sezonit të ardhshëm dhe belgu shihet si një lojtar ideal për të përforcuar krahët në skemën 4-4-2 që synon të implementojë tekniku portugez.

Për këtë arsye, Conceicao ka bërë të qartë se dëshiron ta ketë belgun në dispozicion, gjë që e bën arritjen e një marrëveshjeje mes palëve edhe më të vështirë.

Cristante mund të jetë një opsion tërheqës për kuqezinjtë, duke pasur parasysh nevojën e Milanit për një mesfushor që mund të sigurojë balancë dhe përvojë.

Saelemaekers duket se e ka gjetur hapësirën dhe besimin e duhur në kryeqytet, dhe kjo e shtyn lojtarin të preferojë qëndrimin te verdhekuqtë, ku po luan një rol të rëndësishëm.

Bisedimet kanë nisur, ndërsa pritet të jetë një nga temat më të diskutuara të merkatos së janarit dhe të verës.





Lajmet e fundit nga