Ibra nuk përmbahet pas fitimit të Superkupës: Shyqyr që ishte sëmurë trajneri

7 Janar 2025, 18:40, Sport CNA

Ibra nuk përmbahet pas fitimit të Superkupës: Shyqyr që

Milani regjistroi një triumf të madh ndaj rivalëve historikë të Interit, për të marrë Superkupën e Italisë. Një derbi që kishte gjithçka, emocion, përmbysje dhe një fund triumfues për kuqezinjtë.

Pas ndeshjes, dhomat e zhveshjes ishin të mbushura me emocione dhe krenari te Milani.

Zlatan Ibrahimoviç në rolin e këshilltarit të pronarëve, mbajti një fjalim të gjatë ndaj skuadrës, ku theksoi se ky është Milani që presin të gjithë, ndërsa kërkoi që të jenë me të njëjtin mentalitet edhe në Itali.

Nuk munguan përgëzimet për stafin e ri teknik, që në pak ditë ndryshuan gjithçka.

“Ne kemi arritur një nga objektivat për këtë sezon. Ajo që ne kërkonim ishte një reagim. Trofeu është reagimi ynë. Para se të flas, dua të përgëzoj trajnerin dhe stafin e tij. Në vetëm pak ditë keni bërë një punë të shkëlqyer. Mirë qe kishe ethe dhe temperaturë Sergio, përndryshe do kishe thyer më shumë se një televizor… Urime edhe lojtarëve. Ju e fituat këtë trofe me djersë, sakrificë dhe dëshirë. Kur një skuadër ka këtë dëshirë për të fituar është e vështirë t’i mundësh, është e vështirë djema… Kur e nisëm kampionatin, ju thashë se gjithçka varet nga ne, sepse gjithçka është në kokë. Sot e vërtetuat.

Tani le të kthehemi në Itali, të sjellim këtë mentalitet, le të rikuperojmë pikë për të qenë aty ku duhet. Pastaj urime edhe për të gjithë ata që ishin me ne me ekipin por pas skene, është edhe falë jush, edhe pse nuk jeni të famshëm dhe në fushë, por jeni po aq të rëndësishëm sa ata që luajnë.

Djema, ky është Milani, ne luajmë për këto trofe. Kushdo që dëshiron të hyjë në historinë e Milanit duhet te fitoje trofe. Forca Milan”, u shpreh Ibra.

Suksesi në Superkupë, ishte një moment historik për trajnerin Sergio Conceicao. Teknikut portugez iu deshën vetëm 2 ndeshje nën drejtimin e kuqezinjve, për të fituar një trofe, duke u bërë kështu trajneri i Milanit që i janë dashur më pak ndeshje për të fituar një trofe në historinë e klubit kuqezi në të gjitha garat që nga sezoni 1929/1930.

Rekordi i mëparshëm mbahej nga Montela, ku pas 18 ndeshjes fitoi Superkupën e Italisë në dhjetor të vitit 2016.