web counter
LEXO PA REKLAMA!

SHKARKO APP

E fundit!

x

Mjeku i Kombëtares sqaron dëmtimin e Brojës: Po e ndjek fati i keq

6 Janar 2025, 13:22, Sport CNA

Mjeku i Kombëtares sqaron dëmtimin e Brojës: Po e ndjek fati i

Ilvi Begolli, Koordinatori i Departamentit të Mjekësisë në FSHF, sqaroi dëmtimin e sulmuesit Armando Broja tek Everton.

Sipas tij, lojtarin e ndjek fati i keq, pasi nuk bëhet fjalë për një dëmtim kronik, por dëmtim traumatik.

Begolli deklaroi në “Euronews Albania” se dëmtime të tilla mund të kalohen lehtë me kujdesin mjekësor.

“Përgjithësisht, trajtimi i dëmtimeve si këto përfshin një periudhë rikuperimi, pas kontrollit të mjekëve dhe vlerësimit të dëmit. Fatkeqësisht, këto lëndime të natyrës traumatike mund të ndodhin edhe për shkak të kushteve të fushës dhe intensitetit të lojës. Por, fakti që nuk janë dëmtime kronike tregon se është një situatë që mund të trajtohet dhe të kalojë pas një periudhe të kujdesit mjekësor.

Duket sikur më shumë është fat i keq i lojtarit sesa problem fizik i tij. Ai goditi tokën me këmbë dhe ky veprim të gjen të papërgatitur dhe me sa pashë Broja u duk sikur pas kësaj kishte një kontraktim muskular. Situata të tilla ndodhin qoftë dhe nga terrenet, ndërsa Brojën siç duket po e ndjek pak fat i keq dhe nuk janë dëmtime kronike, por më shumë janë dëmtimë traumatike”, tha Begolli.





Lajmet e fundit nga