web counter
LEXO PA REKLAMA!

SHKARKO APP

App Store
Google Play

Lazio jep "dritën jeshile", Hysaj përgatitet për aventurën e re

8 Janar 2025, 18:11, Sport CNA

Lazio jep "dritën jeshile", Hysaj përgatitet për

Elseid Hysaj pritet të ndryshojë skuadër në këtë merkato dimrit. Mbrojtësi di të largohet nga Lazio, por pritet të qëndrojë në Serinë A.

Pas një periudhe të vështirë te kryeqytetasit, ku ka hasur probleme për të siguruar minutazh të rregullt, klubi ka vendosur t’i hapë rrugën një huazimi te Lecce deri në fund të sezonit aktual.

Sipas raportimeve nga “Corriere dello Sport”, Lazio ka pranuar të paguajë gjysmën e pagës, që aktualisht arrin shifrën prej 2.8 milionë eurosh në sezon, për të lehtësuar lëvizjen.

Lecce, që ka treguar interes të madh për shërbimet e shkodranit, e konsideron Hysajn një përforcim ideal për repartin mbrojtës. Trajneri Giampaolo vlerëson shumë aftësitë e shqiptarit, veçanërisht për faktin se ai mbulon të dy krahët e mbrojtjes. Ky është një avantazh i madh për një skuadër si Lecce, që synon të sigurojë mbijetesën në Serinë A.

Aktualisht, situata e Hysajt te Lacio nuk ka qenë aspak e favorshme. Lojtari është lënë jashtë listës për ndeshjet e Serisë A dhe Europa League, duke u aktivizuar vetëm në Kupën e Italisë. Ky rol i kufizuar ka nxitur kërkimin e një opsioni të ri, ku mund të rifitojë formën dhe besimin për të kontribuar në nivelin më të lartë.

Për Hysajn, kjo lëvizje i jep mundësinë për të rikthyer stabilitetin në karrierën e tij dhe për të treguar vlerat e tij në fushën e lojës.

Huazimi i Hysajt deri në fund të sezonit është një zgjidhje pragmatike, që mund të rezultojë e dobishme për të gjitha palët e përfshira në këtë transferim.

Mbetet për t’u parë se si do të përfundojnë negociatat dhe nëse Hysaj do të nisë zyrtarisht një kapitull të ri në karrierën e tij me fanellën e Lecces.





Lajmet e fundit nga