Pogradeci shkruan historinë/ Shpallet kampion në volejbollin e femrave, mund Tiranën 3-0

5 Maj 2026, 12:55, Sport CNA

Pogradeci shkruan historinë/ Shpallet kampion në volejbollin e

Pogradeci ka shkruar historinë në volejbollin shqiptar të femrave, duke mundur Tiranën me rezultatin 3 me 0 në ndeshjen e pestë dhe duke u shpallur kampion. Pogradecaret e mbyllin shpejt setin e parë 25 me 16, por në setin e dytë tiranaset kërkuan baraspeshën dhe shkuan në 8 me 13, por vetëm kaq, pasi pogradecaret e fituan edhe këtë set 25 me 20. Kjo fitore ka bërë që një qytet i tërë të përjetojë emocione të forta.

Pogradeci shkruan historinë/ Shpallet kampion në volejbollin e

Me Bajraktaroviç në organizim, ekipi i trajnerit Besnik Lisha ka fituar qetësinë e duhur në një finale si kjo, ndërsa Jonson në pozicionin “4” kanë qenë “kurthi” i trajnerit ndaj Tiranës. Nga ana tjetër, skuadra kryeqytetase, pa Malajn në pozicionin “3”, nuk ka pasur forcën e duhur në goditje.

"Mundohem t'i jap ekipit energji të mirë dhe të mbajmë ritmin lart. Ndihem e mrekulluar është hera ime e parë që fitoj në një ligë. E pabesueshme, do festojmë shumë sot",-tha Bajraktareviç.

“Kur u nisa për të ardhur në Shqipëri nuk e prisja kurrë këtë, por u bekova me një grup fantastik vajzash dhe e bëmë gjithçka për njëra-tjetrën. Kemi punuar shumë fort për këtë, këtë donim. Edhe Tirana punoi shumë fort, por në fund është vetëm një ekip që ngjitet të majë”,-tha Johnson.

"Po ia dolëm tani mund të them me plot gojë që ja dolëm. E dija që nuk do ta falnim, me gjithë këtë mbështetje të qytetarëve tanë. Jemi shumë të lumtur që emri i Pogradecit do të shënohet në listën e ekipeve kampione. Kishim tifozëri të mahnitshme, nuk kishte vende, aq shumë janë. Kjo është nata e pogradecarëve dhe do festojmë",-tha kapitenja Paola Gjata.

Pogradeci shkruan historinë/ Shpallet kampion në volejbollin e

Trajneri i ekipit, Besnik Lisha, tha me krenari se Pogradeci ishte i përgatitur për fitore.

“Absolutisht jemi përgatitur për ta fituar. Ka fituar ekipi më i mirë. Nuk ka ndodhur ndonjëherë që ekipet mike të fitojnë në fushën e kundërshtarit, siç ka ndodhur me finalet, por ka gjëra të mira dhe kjo pjesë dhe ekipet po luajnë njësoj në çdo fushë. Ky ekip, Pogradeci, është ndërtuar të jetë fitues",-tha Lisha.

Atmosfera në Pogradec ka qenë elektrizuese, me tifozët që kanë festuar gjatë për këtë arritje historike të vajzave liqenore.

Pogradeci shkruan historinë/ Shpallet kampion në volejbollin e

Ky sezon ka qenë i jashtëzakonshëm për Pogradecin, pasi më herët liqenoret kishin fituar edhe Ligën “Gjergj Kastrioti” dhe Kupën e Republikës, duke kompletuar kështu një tripletë të artë në volejbollin shqiptar./CNA