web counter
LEXO PA REKLAMA!

SHKARKO APP

App Store
Google Play

Roma presion Juves dhe Milanit, ndizet gara për Champions në Serinë A

4 Maj 2026, 23:06, Sport CNA

Roma presion Juves dhe Milanit, ndizet gara për Champions në

Gara për zonën Champions në Serinë A është bërë edhe më e fortë pas javës së 35-të.

Roma ka shkatërruar Fiorentinën me rezultatin e thellë 4-0 dhe i bën presion Juventusit e Milanit, të cilët ndodhen në zonën e katërshes  parë. Verdhekuqtë e nisën ndeshjen vrullshëm, duke mbyllur llogaritë që në pjesën e parë.

Mançini hapi serinë e golave në minutën e 13-të me një goditje saktë me kokë. Vetëm katër minuta më vonë nga Uesli, dyfishoi shifrat me një goditje mjeshtërore. Përpara se skuadrat të shkonin në dhomat e zhveshjes, Hermoso shënoi edhe golin e tretë, duke e kthyer "Olimpicon" në festë.

Në pjesën e dytë, Fiorentina u përpoq të reagonte me lëvizjet e Parisit, por ishte sërish Roma që goditi. Në minutën e 58-të, pas një krosimi të Malen, talenti Pisili dërgoi sferën në rrjetë për rezultatin përfundimtar 4-0.

Me këtë sukses, Roma ndodhet vetëm një pikë larg vendit të katërt dhe tre pikë larg vendit të tretë.

Kur kanë mbetur edhe tre javë nga fundi, gara mes Milanit, Juventusit, Romës dhe Comos premton emocione deri në sekondën e fundit.

Në krahun tjetër, Lacio e Maurizio Sarrit ka marrë një fitore dramatike 2-1 në transfertë ndaj Kremonezes. Ndeshja nisi keq për bardhekaltërit, të cilët u ndëshkuan nga Bonazoli në minutën e 29-të. Megjithatë, lëvizjet e Sarrit në pjesën e dytë ndryshuan gjithçka.

Isaksen barazoi shifrat në minutën e 53-të, por momenti kulminant erdhi në minutën e 92-të.

Noslin realizoi një "eurogol" që i dha Lazios fitoren dhe vendin e tetë në renditje.

Për Cremonesen kjo ishte një goditje e rëndë, pasi mbeten katër pikë larg zonës së shpëtimit.





Lajmet e fundit nga