E fundit!

17:27 Politikë

Këlliçi denoncon sërish Jet Bank: Mungesë transparence që nga dita e parë, arsye serioze për hetime

Deputeti demokrat dhe nënkryetari i PD-së, Belind Këlliçi,...

Partizani barazon Tiranën në fund, shpërthen sherri në fushë

9 Shkurt 2025, 15:55, Sport CNA

Partizani barazon Tiranën në fund, shpërthen sherri në

Derbi mes Partizanit dhe Tiranës, nuk prodhoi fitues, pasi u mbyll në një barazim dramatik 1-1. Megjithatë, më përveç rezultatit, vëmendje të madhe mori edhe një sherr i ndodhur në fushë, me përplasje të ashpra mes lojtarëve dhe stafeve.

Ndeshja nisi me ritëm të lartë dhe të dy skuadrat tentuan të marrin kontrollin e lojës. Tirana, e nisi më mirë sfidën dhe arriti të gjente golin e avantazhit në minutën e 28-të me Ernest. Sulmuesi bardheblu përfitoi nga një gabim në mbrojtjen e Partizanit dhe me një gjuajtje të fortë e ndali topin në rrjetë, duke i dhënë epërsinë ekipit të tij.

Pas golit, Partizani tentoi të reagojë, por Tirana mbrojti mirë avantazhin, duke mbyllur hapësirat dhe duke shfrytëzuar kundërsulmet. Pjesa e parë u mbyll me avantazhin e bardhebluve, ndërsa në të dytën, të kuqtë nisën të ushtronin presion të vazhdueshëm në gjysmëfushën e kundërshtarit.

Kur dukej se Tirana do të dilte me tre pikët, Sembene shënoi në minutën e 90-të, duke barazuar shifrat dhe duke shkaktuar një shpërthim emocionesh në fushë dhe tribuna.

Goli i barazimit ndezi një situatë të tensionuar në fushë. Lojtarët dhe stafet teknike u përfshinë në një përplasje të madhe, me konfrontime fizike dhe verbale, që e detyruan arbitrin të ndërhynte me dorë të hekurt.

Në këtë kaos, gjyqtari ndëshkoi katër lojtarë më karton të kuq në fushë, duke lënë të dyja skuadrat me nga nëntë lojtarë për minutat e fundit të ndeshjes. Ndëshkimet vazhduan edhe në pankina, ku pati përjashtime dhe përplasje mes stafeve teknike.

Me këtë barazim, Partizani mbetet në vendin e dytë me 40 pikë, duke vazhduar garën për titullin kampion. Ndërkohë, Tirana vazhdon të vuajë në pjesën e poshtme të tabelës, duke u renditur në vendin e tetë me vetëm 23 pikë. Ky rezultat e vështirëson akoma më shumë situatën për bardheblutë, të cilët duhet të gjejnë urgjentisht rrugën e kthimit te fitoret për të shmangur një sezon katastrofik.