web counter
LEXO PA REKLAMA!

SHKARKO APP

App Store
Google Play

E fundit!

x

Dita e derbit të kryeqytetit, Partizani dhe Tirana përplasen në "Arenën e Demave"

9 Shkurt 2025, 12:17, Sport CNA

Dita e derbit të kryeqytetit, Partizani dhe Tirana përplasen në

Kjo e diel rezervon një nga ndeshjet më të bukura dhe të luftuara të kampionatit shqiptar, siç është derbi i kryeqytetit, mes Partizanit dhe Tiranës.

Ndryshe nga herët e tjera, kjo përballje do të luhet në stadiumin “Arena e Demave”. Në fakt është një derbi, që vjen në një moment jo shumë të mirë për të dyja skuadrat.

Bardheblutë ndodhen në vendin e 9-të në renditje dhe po kalojnë një periudhë të vështirë, ndërsa të kuqtë kanë humbur terren me kreun pas dy barazimeve radhazi.

Megjithatë, statistikat tregojnë një tjetër histori për Tiranën. Bardheblutë janë një nga skuadrat më aktive në fazën sulmuese, pasi renditen të tretët për numrin e krosimeve për ndeshje më shumë se 16, të dytët pas Elbasanit për goditje këndi dhe të dytët pas Egnatias për cilësinë e rasteve të krijuara për gol. Por problemi kryesor mbetet saktësia përpara portës. Tirana është skuadra me më pak goditje në kuadratin e portës, pasi vetëm një në katër tentativa është e saktë.

Në një kampionat të ekuilibruar si ky, çdo ndeshje mund të ndryshojë rrjedhën e sezonit. A mund të shërbejë derbi si pika e kthesës për Tiranën? Përballë do të ketë Partizanin, që është skuadra me më shumë goditje në portë në kampionat dhe që renditet i dyti për driblime të suksesshme për ndeshje, pas Skënderbeut.

Ndeshjet derbi janë gjithmonë të paparashikueshme. Në “Arenën e Demave”, pritet një sfidë emocionuese, ku të dyja skuadrat do të kërkojnë fitoren, jo vetëm për pikët, por edhe për krenarinë e kryeqytetit.

Ndeshja është planifikuar të luhet këtë të diel, duke nisur nga ora 13:30.





Lajmet e fundit nga