web counter
LEXO PA REKLAMA!

SHKARKO APP

App Store
Google Play

E fundit!

x

“Nuk frikësohem nga ofertat, le t’i rritet çmimi”/ Duka zbulon negociatat, çfarë do ndodhë me Sylvinhon

30 Nëntor 2023, 17:53, Sport CNA

“Nuk frikësohem nga ofertat, le t’i rritet çmimi”/

Presidenti i FSHF-së, Armand Duka, ka treguar negociatat me trajnerin e kombëtares shqiptare Sylvio Mendes Campos Junior, i njohur si Sylvinho.

Duka tha në një intervistë televizive se FSHF po planifikon të rinovojë kontratën me Sylvinhon.

Ai deklaroi se nuk komplekson aspak fakti se trajnerit mund t’i rritet shumë çmimi pas rezultateve që ka pasur Shqipëria.

“Pa diskutim, Sylvinho ka meritën kryesore, ai është dirigjenti i stafit të tij, nuk është një staf i vogël pasi janë më shumë se 20 pjesëtarë, më të madhe se skuadra. Ai duhet t’i organizojë ata, t’i marrë maksimumin atyre, pastaj të organizojë edhe skuadrën, pra ka meritë kryesore, por jo më pak kanë meritë edhe ata që ai ka në menaxhim, dy asistët e tij, Doriva-Zabaleta, apo Bulkun dhe Salihin, trajneri i portierëve dhe gjithë të tjerët. Ne e vlerësojmë maksimalisht atë që ka bërë ai dhe stafi i tij. Nuk është se kemi qenë të sigurt, kemi besuar tek ai, por nuk ka qenë e lehtë të besoje te një trajner jo me shumë eksperiencë, te besosh vetëm te takimet dhe intervistat me të. Thënë këto, vlerësimet maksimale, do të thotë që predispozita jonë është të vazhdojmë bashkëpunimin me Sylvinho-n, por realisht nuk e kemi diskutuar deri më tani. Besoj që në ditët në vijim ne do t’i ofrojmë rinovimin e kontratës edhe pas Evropianit. Dikush më pyeti që nxitoni, se Shqipëria do të arrijë rezultate fantastike në Evropian dhe pastaj do t’i rritet çmimi shumë. Unë them që ne të arrijmë një herë rezultatet pastaj le t’i rritet çmimi”, u shpreh presidenti i FSHF-së.

Duka theksoi se nuk i druhet ofertave për Sylvinhond he as nuk frikësohet, por e lumturojnë ato.

“Nuk kam pse i druhem, përkundrazi jam i lumtur që çdo kusht që punon me ne, si futbollist, si trajner, të vlerësohen, të marrin vlera më shumë pasi është kënaqësi për ne. Nuk kam as droje e as frikë që ky lloj bashkëpunimi do të ndryshojë”, nënvizoi ai./ CNA





Lajmet e fundit nga