web counter
LEXO PA REKLAMA!

SHKARKO APP

App Store
Google Play

E fundit!

x

Ndeshja Shqipëri-Angli/ FSHF jep udhëzime për tifozët

10 Nëntor 2025, 16:17, Sport CNA

Ndeshja Shqipëri-Angli/ FSHF jep udhëzime për tifozët

Federata Shqiptare e Futbollit dhe Policia e Shtetit kanë përcaktuar disa masa organizative në kuadër të ndeshjes Shqipëri – Angli që do të zhvillohet në stadiumin “Air Albania”. Kështu, në ditën e ndeshjes, stafi i stadiumit “Air Albania” do të vendosë tabela orientuese në perimetrin e jashtëm, për të ndihmuar tifozët të gjejnë më lehtë hyrjen dhe tribunën përkatëse sipas biletës që kanë blerë.

Në pikat e hyrjes së stadiumit do të vendosen kosha plastike për grumbullimin e sendeve të ndaluara, të cilat mund të zbulohen gjatë kontrolleve fizike nga strukturat e sigurisë. Gjithashtu, grumbullimi i monedhave dhe sendeve të tjera të vogla do të bëhet nga përfaqësuesit e Kryqit të Kuq.

Të gjithë tifozët duhet të jenë të pajisur me biletën përkatëse për hyrjen në stadium. Nuk do të lejohet futja e fëmijëve pa biletë, pavarësisht moshës, në mënyrë që të shmanget mbipopullimi dhe bllokimi i shkallëve gjatë ndeshjes.

Gjithashtu, tifozët paralajmërohen se biletat e dublikuara ose të falsifikuara nuk do të njihen nga sistemi elektronik i stadiumit, dhe poseduesit e tyre nuk do të lejohen të hyjnë.

Portat e stadiumit do të hapen tre orë përpara fillimit të ndeshjes, ndaj FSHF dhe Policia e Shtetit u bëjnë thirrje tifozëve të mbërrijnë në kohë, të ndjekin udhëzimet e rendit dhe të drejtohen drejt tribunës së përcaktuar në biletën e tyre.

Sfida Shqipëri- Angli do të luhet më 16 nëntor në orën 18:00./ CNA





Lajmet e fundit nga