web counter
LEXO PA REKLAMA!

SHKARKO APP

App Store
Google Play

Mancini: Nuk shkova në Arabi për para, por gabova!

27 Nëntor 2024, 12:57, Sport CNA
Mancini: Nuk shkova në Arabi për para, por gabova!
Roberto Mancini

Teksa pret një projekt të ri për t’u rikthyer sërish në fushën e lojës, Roberto Mancini kthen kokën pas dhe tregon se çfarë ndikoi në vendimet e tij të fundit në karrierë.

Në një intervistë të dhënë së fundmi për mediet italiane, trajneri u shpreh se i vjen keq për largimin nga kombëtarja e Italisë.

“Nëse do të mund të kthehesha pas në kohë, do ta përballoja ndryshe ndarjen me kombëtaren. Marrëdhënia e besimit që kisha me Federatën ishte dëmtuar reciprokisht, por nëse presidenti Gravina dhe unë do të kishim folur dhe të ishim sqaruar, gjërat ndoshta nuk do të kishin shkuar në këtë mënyrë. Të punosh duke ndier se besimi te ti si person lëkundet nuk është një ndjenjë e mirë, nuk të garanton qetësinë e duhur. Pavarësisht kësaj, unë qortoj veten që nuk jam përballur me gjithçka më qartë me Gravina-n", -tha si fillim Mancini.

Më tej sa i përket ofertës nga Arabia Saudite, tekniku italian theksoi se i ndikoi disi, por shtoi se nuk ishte vendimtare.

"Një ofertë e lartë si kjo të fut në mendime, nuk e mohoj. Ka ndikuar në vendimin për t'u larguar nga pankina e Italisë, por nuk ishte vendimtare”, -u shpreh Roberto Mancini.

60-vjeçari italian mori drejtimin e Arabisë Saudite në verën e vitit 2023, teksa në tetor 2024 u shkarkua për shkak të rezultateve zhgënjyese./CNA

 





Lajmet e fundit nga