web counter
LEXO PA REKLAMA!

SHKARKO APP

App Store
Google Play

E fundit!

x

Inzaghi: Nuk kemi pësuar asnjë gol, duam finalen e Champions League

27 Nëntor 2024, 10:32, Sport CNA
Inzaghi: Nuk kemi pësuar asnjë gol, duam finalen e Champions League
Simone Inzaghi

Inter fitoi minimalisht me rezultatin 1-0 ndaj RB Leipzig në ndeshjen e pestë të fazës së Ligës në Champions League, por një rezultat i mjaftueshëm për të marrë kreun e renditjes, të paktën momentalisht.

Ndërsa foli për mediet pas këtij triumfi, të marrë nga italianët falë autogolit të Lukeba-s në minutën e 27’, trajneri i “zikaltërve”, Simone Inzaghi, u shpreh i lumtur.

Tekniku italian theksoi se skuadra e tij bëri një ndeshje të mirë dhe se është i kënaqur me ecurinë e ekipit.

“E dinim rëndësinë e ndeshjes. Luanim kundër një skuadre me vlera, e cila deri të dielën kishte mbrojtjen më të mirë të Bundesliga-s. Bëmë një ndeshje shumë të mirë, ishim gjithmonë të balancuar edhe pse kundër Leipzig nuk është e lehtë. Më vjen keq që nuk e shënuam golin e dytë, por skuadra vuajti relativisht pak. Jemi të kënaqur, por për të arritur te tetë skuadrat më të mira duhet edhe një hap tjetër. Kemi bërë një rrugëtim të shkëlqyer 4 fitore radhazi dhe 5 ndeshje pa pësuar gol”-tha ai si fillim.

Teksa, i pyetur për qëllimin e këtij edicioni të Champions League, Izaghi u shpreh se është finalja.

“Finalja është objektivi i të gjitha skuadrave, aq më tepër për mua që drejtoj Inter-in. Ka shumë konkurrencë dhe nuk është e lehtë të luash çdo dy ditë e gjysmë. Kam fatin të kem djem që janë mësuar me këtë, ka një gatishmëri të madhe nga të gjithë”-përfundoi Simone Inzaghi.

Momentalisht Inter-i mban kreun e renditjes së Champions League, me 13 pikë të grumbulluara në pesë ndeshje./CNA





Lajmet e fundit nga