web counter
LEXO PA REKLAMA!

SHKARKO APP

App Store
Google Play

E fundit!

x

Kupa e Amerikës/ Triumf minimal, Argjentina "kap" çerekfinalen

26 Qershor 2024, 12:06, Sport CNA

Kupa e Amerikës/ Triumf minimal, Argjentina "kap"

Argjentina bëhet kombëtarja e parë që siguron kualifikimin për në çerekfinalen e Kupës së Amerikës.

Kampionët në fuqi triumfuan minimalisht ndaj Kilit, në ndeshjen e vlefshme për Grupin A. Dominim absolut nga kombëtarja e Scaloni-t, që e nisi vrullshëm takimin, duke rrezikuar portën kundërshtare disa herë.

Pavarësisht tentativave të shumta, pjesa e parë e lojës u mbyll me rrjeta të paprekura. Edhe fraksioni i dytë, nuk kishte histori, pasi pa kampionët e botës të ishin gjatë gjithë kohës në portën kundërshtare.

Dominimi i argjentinasve, u shpërblye në minutën e 88-të, kur sulmuesi i Interit, Lautaro Martinez, shënoi golin e avantazhit dhe të fitores.

Ky triumf në fund mori rëndësi të veçantë për Argjentinën, që bëhet ekipi i parë që pret biletën për në fazën çerekfinale në Kupën e Amerikës.

Pas dy ndeshjeve të para, skuadra e Scaloni-t, ka grumbulluar 6 pikë dhe kalon më tej si e para e grupit.

Fitoren e parë në Grupin A, mori edhe Kanadaja, që mposhti gjithashtu minimalisht Perunë. Edhe në këtë përballje, pjesa e parë u mbyll me rrjeta të paprekura.

Në minutën e 59-të, peruanët mbetën me 10 lojtarë, pas kartonit të kuq të Arauho-s dhe nga kjo përfituan kanadezët, që u hodhën në sulm.

Jonatan David bëri që të shpërthejë festa në minutën e 74-t, kur shënoi golin e fitores për Kanadanë, që ngjitet në vendin e dytë me 3 pikë.





Lajmet e fundit nga