web counter
LEXO PA REKLAMA!

SHKARKO APP

App Store
Google Play

E fundit!

x

“Krenar që vesh fanellën kuqezi”/ Thomas Strakosha: Greqinë e dua, por jam shqiptar

12 Janar 2026, 12:00, Sport CNA

“Krenar që vesh fanellën kuqezi”/ Thomas Strakosha:

Portieri i Kombëtares shqiptare, që luan edhe me skuadrën e AEK-ut, Thomas Strakosha, ka rrëfyer se si e sheh veten si lojtar mes dy shteteve.  

Në një intervistë për një emision sportiv grek, Strakosha është shprehur se i pëlqen jeta në Greqi, por gjithmonë është ndier shqiptar dhe se respektin për rrënjët ia kanë trashëguar prindërit e tij.

Strakosha tha se ka një krenari për këtë fakt, që, sipas tij, e ka vlerësuar edhe më shumë kur veshi fanellën kuqezi.

“Siç ju thashë, Greqinë e dua dhe e respektoj, por gjithmonë jam ndier shqiptar. Edhe kur të lë futbollin, dua të jetoj në Greqi me familjen time, partneren time dhe të kem jetën time këtu, por unë jam shqiptar. Këtë ma kanë transmetuar si babai ashtu edhe nëna ime, të respektojmë dhe të duam rrënjët tona. Sidomos kur shkova jashtë vendit, ndjeva krenari që mund të vishja stemën e kombëtares sime. Babai im kishte luajtur për Shqipërinë dhe kishte qenë edhe kapiten. Ky ishte një imazh shumë i fortë për mua. Doja të provoja edhe për veten time se mund të arrija diçka me kombëtaren, jo në nivelin e babait tim, por të ndieja edhe unë atë krenari. Kur ishim të vegjël, shumë fëmijë përpiqeshin ta fshihnin origjinën e tyre, sepse ndiheshin keq. Kjo ndodhte kudo, jo vetëm këtu. Tani, kur shoh fëmijë në akademi që e thonë me krenari se janë shqiptarë, kjo më jep shumë gëzim. Ndiej se po bëj diçka të mirë, ashtu siç ndiheshin fëmijët krenarë kur erdhi babai im në Greqi. Ky është një nga aspektet më të rëndësishme për mua”,-u shpreh Strakosha./CNA





Lajmet e fundit nga