web counter
LEXO PA REKLAMA!

SHKARKO APP

App Store
Google Play

E fundit!

x

Ismajli, më i miri i ndeshjes Cagliari-Empoli, Torino merr kreun e Serie A

21 Shtator 2024, 10:49, Sport CNA
Ismajli, më i miri i ndeshjes Cagliari-Empoli, Torino merr kreun e Serie A
Ardian Ismajli

Mbrojtësi i Kombëtares shqiptare të futbollit, Ardian Ismajli, është duke kaluar një moment shumë të mirë me skuadrën e Empoli-t në Serie A.

27-vjeçari ishte më i miri në fushë, në transfertën e Cagliari-t, në takimin e vlefshëm për javën e pestë të kampionatit italian.

Ndeshja përfundoi me fitoren 0-2 të Empoli-t, me golat që u realizuan nga Colombo në minutën e 33’ dhe nga Esposito në minutën e 49’, megjithatë lojtari më vendimtar ishte Ismajli.

Pas kësaj fitoreje Cagliari renditet në vend të 19-të me 2 pikë, teksa Empoli në vend të katërt me nëntë pikë.

Vlen të theksohet se pas këtij takimi mbrojtësi “kuqezi” u vlerësua me notën më të lartë, 8.4.

Teksa sfida tjetër e javës së pestë të Serie A që u luajt të premten, ajo mes Verona-s dhe Torino-s përfundoi me rezultatin 2-3.

Golat për vendasit i shënuan Kastanos në minutën e 12’ dhe Mosquera në minutën e 90+3.

Ndërsa për miqtë rrugën drejt rrjetës e gjetën Sanabria në minutën e 10, Zapata në të 33’ dhe Che Adams në minutën e 79’.

Pas këtij takimi, Verona renditet momentalisht në vend të nëntë me gjahstë pikë, teksa Torino kryeson renditjen me 11 pikë./CNA





Lajmet e fundit nga