web counter
LEXO PA REKLAMA!

SHKARKO APP

App Store
Google Play

Pritet fitorja te Skënderbeu, Gvozdenovic: Shqetësojnë vetëm pikët e marra

20 Shtator 2024, 12:19, Sport CNA


Skënderbeu do të përballet me Laçin në javën e gjashtë të Superiores, me korçarët që synojnë të rikthehen të triumfi.

Juglindorët janë në një moment delikat, ndërsa këtë e pranoi edhe trajneri i bardhekuqve, Ivan Gvozdenoviç.

Tekniku i Skënderbeut, në konferencën para ndeshjes, deklaroi se presioni është prezent, por shtoi se problem janë vetëm pikët.

"Këto javë janë delikate sepse kemi nevojë për pikët. Edhe java e parë për ne ishte delikate, tani edhe nesër e njëjta situatë. Presion kemi por është pjesë e futbollit, pa presion nuk vazhdojmë dot përpara. Unë nuk shikoj asnjë problem përveç pikëve, në 5 javë me 4 pikë është shumë pak për ne. Tani jemi përqendruar për nesër dhe më pas mund të flasim më shumë e të bëjmë analiza."

Gvozdenoviç u shpreh se mund të ndryshojë skemën, por shtoi se me 4-3-3, skuadra është më ofensive.

"Mund të ndërrojmë skemën, sot kemi stërvitjen e fundit, do flasim me stafin dhe do vendosim. Mendoj se do vazhdojmë me formacionin 4-3-3, ofensiv, pastaj do shohim nesër si do dalim.

Grupin e lojtarëve e kemi të mirë, në ndeshjen e fundit Dinamo në pjesën e parë ishte pak më mirë, ndërsa pjesën e dytë lojtarët ishin afër shënimit të golit të dytë, pastaj ndodhi e papritura në minutën e fundit. Çdo gjë është e hapur."

I pyetur për afrimet e merkatos, trajneri deklaroi se Doka nuk është ende gati, ndërsa Balaj mund të luajë nga java e ardhshme.

"Tare është aktivizuar, Doka fizikisht sështë akoma gati, Balaj pak më mirë fizikisht, por do shohim nesër ose javën tjetër."

Ndeshja mes Skënderbeut dhe Laçit, do të luhet të shtunën e 21 shtatorit në Korçë, duke nisur nga ora 17:00.

 





Lajmet e fundit nga