web counter
LEXO PA REKLAMA!

SHKARKO APP

App Store
Google Play

Fonseca: Me Okafor dhe Chukwueze loja e Milan-it ndryshoi, zëvendësimi nuk është ndëshkim

23 Tetor 2024, 11:20, Sport CNA
Fonseca: Me Okafor dhe Chukwueze loja e Milan-it ndryshoi, zëvendësimi
Paulo Fonseca

Fitorja 3-1 e Milan-it ndaj Club Brugge në raundin e tretë të Champions League, për trajnerin e italianëve, Paulo Fonseca-n, erdhi pas ndryshimeve.

Duke folur për mediet pas këtij takimi, ai theksoi se e nisën me ritëm të ngadaltë ndeshjen, teksa gjithçka sipas tij ndryshoi me aktivizimin e Okafor dhe Chukwueze-s.

“Ne luajtëm një lojë pa intensitet, me një qarkullim shumë të ngadaltë kundër një ekipi që ishte i mirë në mbrojtje. Kur Okafor dhe Chukwueze hynë në fushë, loja ndryshoi, ata sollën më shumë energji dhe skuadra fitoi intensitet”, -tha ai fillimisht.

I pyetur për zëvendësimin e Rafael Leao-s në minutën e 60’, ai shtoi se nuk ka asnjë problem me sulmuesin.

"Nuk kam asnjë problem specifik me të. Zëvendësimi nuk është ndëshkim", -vijoi Fonseca.

Teksa sa i përket debutimit të Camarda-s, trajneri i “Djallit” u shpreh se i erdhi keq për golin e anuluar të talentit të Milan-it.

"Më vjen shumë keq për golin, ishte një moment shumë i bukur për një të ri që e do shumë Milan-in dhe ka një lidhje të veçantë me tifozët. Një gol për një fëmijë që punon kaq shumë për skuadrën, por ai do të ketë shumë mundësi për të shënuar gola të tjerë”, -tha ndër të tjera Paulo Fonseca.

Ndaj Club Brugge, Milan-i bëri kthesën në Champions League, pasi mori pikët e para në këtë kompeticon./CNA

 





Lajmet e fundit nga