web counter
LEXO PA REKLAMA!

SHKARKO APP

App Store
Google Play

ZYRTARE/ Klubi i Kategorisë së Parë zgjedh trajnerin e ri

22 Tetor 2024, 16:38, Sport CNA

ZYRTARE/ Klubi i Kategorisë së Parë zgjedh trajnerin e ri

Lushnja nuk ka humbur kohë dhe ka zyrtarizuar trajnerin e ri. Drejtimi i skuadrës verdhjeshile i është besuar një djali të shtëpisë, Erion Xhafa.

38-vjeçari do të pasojë në stol të larguarin Gugash Magani. Ky i fundit u shkarkua menjëherë pas eliminimit në Kupë nga skuadra e Orikut.

Lushnja po has vështirësi të mëdha në këtë sezon të Kategorisë së Parë dhe duket se gjithçka po shkon keq.

Për Xhafën, kjo do të jetë aventura e parë si trajner, ndërsa si futbollist ka luajtur me Lushnjën për disa vite, ndërsa ka qenë pjesë edhe e Besës dhe Katsriotit, para se të njoftonte tërheqjen në vitin 2020.

Lushnja nuk njeh fitore ne kampionat prej katër ndeshjesh dhe po të shtosh atë në kupë, pesë ndeshje, me tre humbje dhe dy barazime.

Lagunarët aktualisht mbajnë vendin e gjashtë në rneditje me 9 pikë, po aq sa Pogradeci dhe Kukësi, që janë ndjekësit e tyre.

Tetë javët e para kanë qenë me oshilacione për shkuarën verdhjeshile dhe tifozët presin kthesën. Te Lushnja besojnë se me Xhafën në stol, situata do të ndryshojë dhe do të vijnë rezultatet pozitive.

Kujtojmë se pak ditë më parë, Bashkia njoftoi se ka nxjerrë në shitje aksionet e klubit, por ende mungon një blerës.

Me fokusin që është te shitja e klubit, skuadra po has vështirësi të mëdha në kampionat. Ndeshja e radhës do të jetë ndaj Kukësit në shtëpi dhe pritet kthesa, pasi një tjetër rezultat negativ do të komplikonte së tepërmi situatën.





Lajmet e fundit nga