web counter
LEXO PA REKLAMA!

SHKARKO APP

E fundit!

x

Milani merr fitoren e parë në Champions League, italianët vuajnë në shtëpi

22 Tetor 2024, 20:48, Sport CNA

Milani merr fitoren e parë në Champions League, italianët

Milani triumfoi ndaj Club Brugge me rezultatin 3-1, duke marrë fitoren e parë në Champions League për këtë sezon. Sukses i rëndësishëm për kuqezinjtë, që nuk e kishin aq të lehtë.

Sfida nisi me vuajtje të mëdha për kuqezinjtë, që rrezikuan të pësonin gol në disa raste. Miqtë nga Belgjika ishin të papërmbajtshëm, me sulme të njëpasnjëshme.

Portieri Menja në dy raste dhe tranversa në një rast tjetër, bënë që porta e kuqezinjtë të mbetej e paprekur.

Kur nuk shënon, e pëson... dhe kjo i ndodhi Club Brugge. Në minutën e 34-të, Christian Pulisic, me një gjuajtje të shkëlqyer nga goditja e këndit, e ndali topin në rrjetë, duke i mahnitur të gjithë dhe për t’i dhënë avantazhin vendasve.

Gjithçka u bë më e vështirë për belgët në minutën e 40-të, kur Onyedica, u ndëshkua me karton të kuq, për ndërhyrje të ashpër në mesfushë. Arbitri e mori vendimin, pas rishikimit të pamjeve në VAR.

Edhe pse në inferioritet numerik, Club Brugge, ia doli të barazojë shifrat në minutën e 51-të me Sabbe. Megjithatë baraspesha zgjati vetëm pak minuta, pasi Reijnders riktheu avantazhin e vendasve në minutën e 61-të. 10 minuta më vonë ishte i njëjti autor, që shënoi edhe të tretin.

Me këtë fitore, Milani ngjitet në vendin e 18-të me 3 pikë të marra.





Lajmet e fundit nga