web counter
LEXO PA REKLAMA!

SHKARKO APP

App Store
Google Play

E fundit!

x

E zbulojnë në Angli, Guardiola synon stolin e kombëtares së madhe

31 Maj 2026, 16:13, Sport CNA

E zbulojnë në Angli, Guardiola synon stolin e kombëtares së

Pep Guardiola njoftoi largimin nga Manchester City dhe menjëherë emri i tij ka nisur të përflitet në disa klube dhe kombëtare.

Trajneri spanjoll, i cili ka ndërtuar një karrierë të suksesshme në nivel klubesh, është përmendur si një kandidat për të marrë drejtimin e përfaqësueses italiane në të ardhmen.

Zërat u shtuan pas deklaratave të ministrit italian të Sportit, Andrea Abodi. Ai tha se ideja për të parë Guardiolën në krye të Italisë nuk duhet konsideruar e pamundur. Sipas tij, çështja nuk lidhet me aspektin financiar, por me ambiciet dhe dëshirën e vetë trajnerit për të nisur një eksperiencë të re si përzgjedhës kombëtareje.

Megjithatë, ndërsa në Itali po flitet për mundësinë e një afrimi të Guardiolës, nga Anglia ka raportime të tjera. “The Sun” shkruan se trajneri spanjoll po shqyrton mundësinë për të drejtuar një kombëtare në të ardhmen, por prioriteti i tij do të ishte Anglia.

Guardiola u ka treguar personave të afërt se ideja për të punuar në futbollin e kombëtareve e tërheq, por projekti që do ta bindte më shumë do të ishte ai i përfaqësueses angleze. Kjo mund t’i hapë probleme trajnerit Thomas Tuhel, i cili ka kontratë deri në vitin 2028.





Lajmet e fundit nga