Mesfushori del “blof”, si mashtroi Shqipërinë dhe Kosovën për ftesën. Dalin komunikimet

30 Maj 2026, 17:27, Sport CNA

Mesfushori del “blof”, si mashtroi Shqipërinë dhe

Blerton Isufi ka qenë një nga lojtarët më të përfolur të ditëve të fundit. Jo për ndonjë arritje, por për një mashtrim të mesfushorit, në lidhje me ftesën për ndeshjet e qershorit.

Gjithçka nisi pas publikimit të listës së Kombëtares U-21 të Shqipërisë për ndeshjet miqësore, ku emri i lojtarit ishte përfshirë nga trajneri Alban Bushi.

Pas shpalljes së listës, Isufi dha deklarata në media ku bëri të ditur se nuk kishte pranuar të përfaqësonte Shqipërinë dhe se dëshira e tij ishte të luante vetëm për Kosovën. Ai hodhi akuza, se emri ishte përfshirë në listë, pa dëshirën e tij.

Megjithatë, së fundmi janë CNA ka zbuluar komunikimet që paraqesin një tjetër version të ngjarjeve. Në mesazhet e dërguara drejt stafit të Kombëtares U-21 të Shqipërisë, Isufi shprehte gatishmërinë për t’iu bashkuar skuadrës. Në komunikimin e tij, futbollisti argumentonte se dëshironte të ishte pjesë e ekipit, por se pengesa kryesore ishte klubi i tij, Molde, i cili sipas tij nuk po e lejonte të largohej në atë periudhë për shkak të ndeshjeve të rëndësishme të kampionatit.

“Unë kam qenë shumë i gatshëm dhe me shumë dëshirë për të ardhur dhe për të përfaqësuar shtetin tim, Shqipërinë… Për fat të keq, klubi nuk po ma jep lejen, pasi kemi dy ndeshje shumë të rëndësishme në këtë periudhë. Jam shumë i zhgënjyer nga ky vendim i klubit… Megjithatë, unë jam gjithmonë në dispozicionin tuaj dhe mezi pres herën tjetër për të ardhur”, thuhet në mesazhin e Isufit drejtuar stafit të Shqipërisë U-21.

Mesfushori del “blof”, si mashtroi Shqipërinë dhe

Po ashtu një komunikim nga FSHF me klubin e Molde-s, ka nxjerrë sërish zbuluar futbollistin.

Në një komunikim elektronik të bërë publik, përfaqësues të Molde shprehnin kënaqësinë për përzgjedhjen e lojtarit në ekipin U-21 të Shqipërisë. Në të njëjtin komunikim sqarohej se skuadra norvegjeze kishte një ndeshje të rëndësishme më 30 maj, por se ishte e gatshme ta lejonte Isufin të udhëtonte menjëherë pas këtij takimi, konkretisht më 31 maj.

Mesfushori del “blof”, si mashtroi Shqipërinë dhe

Një lojë me dy porta nga futbollisti, që ka gënjyer Shqipërinë, por edhe Kosovën me deklaratat e tij publike. Ky është një rast i përsëritur kohët e fundit, ku lojtarë të ndryshëm, përdorin kombëtaret, për interesa personalë apo të agjentëve të tyre.