web counter
LEXO PA REKLAMA!

SHKARKO APP

App Store
Google Play

Dy gola vendosin duelin Atalanta-Bologna

13 Prill 2025, 15:37, Sport CNA

Dy gola vendosin duelin Atalanta-Bologna

Pas tre humbjeve radhazi, Atalanta u rikthye te fitorja në Serinë A, duke mposhtur 2-0 Bologna-n në një ndeshje direkte për zonën Champions.

Nën drejtimin e trajnerit Gasperini, skuadra bergamaske tregoi vendosmëri dhe qartësi taktike, duke e zgjidhur takimin që në pjesën e parë me dy gola të shpejtë.

Retegui zhbllokoi sfidën pas 3 minutave, pas një asisti të marrë nga Belanova. Dominimi i vendasve vazhdoi dhe në minutën e 21-të, Pasalic dyfishoi shifrat.

Bologna pati një mundësi të artë me Ndoye në minutën e 35-të, por goditja e tij u devijua nga portieri dhe më pas u përplas në shtyllë.

Skuadra e drejtuar nga Vicenzo Italiano nuk arriti të zhvillonte lojën e saj të zakonshme dhe e pati të vështirë të depërtonte në mbrojtjen e ngjeshur të Atalantës, e cila mbrojti fort dhe organizoi kundërsulme të rrezikshme.

Në pjesën e dytë, Bologna provoi të ndryshonte rrjedhën e lojës, duke iu afruar golit në disa raste.

Megjithatë, pavarësisht përpjekjeve për të gjetur golin, miqtë nuk arritën të finalizonin rastet.

Portieri i vendasve ishte në një formë të shkëlqyer, duke ndalur disa tentativa të rrezikshme, ndërsa Atalanta menaxhoi mirë epërsinë dhe u mbrojt shkëlqyeshëm.

Me këtë fitore, Atalanta shkon në kuotën e 61 pikëve dhe ruan vendin e tretë në renditje, duke shtyrë për momentin Bolonjën në vendin e pestë, jashtë zonës Champions.

Kjo ishte fitorja e parë në kampionat për vitin 2025 për Atalantën në shtëpi, e cila ka shfaqur probleme të mëdha.

 





Lajmet e fundit nga