web counter
LEXO PA REKLAMA!

SHKARKO APP

App Store
Google Play

Dy fitore dhe dy barazime, FSHF zgjedh trajnerin e muajit në Superiore

1 Maj 2026, 15:42, Sport CNA

Dy fitore dhe dy barazime, FSHF zgjedh trajnerin e muajit në Superiore

Orges Shehi është përzgjedhur si trajneri më i mirë i muajit prill në Superiore nga Drejtoria Teknike e FSHF-së.

Tekniku i Tiranës regjistroi një muaj pozitiv në drejtimin e skuadrës, duke arritur dy fitore të rëndësishme ndaj Egnatias dhe Partizanit, si edhe dy barazime përballë Flamurtarit dhe Dinamo City, pa pësuar asnjë humbje.

Çmimi “Trajneri i Muajit” iu dorëzua Orges Shehit në ambientet e “Shtëpisë së Futbollit” nga Drejtori Teknik i FSHF-së, Abdyl Kuriu.

Në një prononcim për "fshf.org", trajneri Shehi u shpreh i kënaqur për këtë vlerësim, duke theksuar se merita kryesore u takon lojtarëve për angazhimin dhe punën e tyre në fushë, që kanë bërë të mundur arritjen e rezultateve pozitive.

“Çdo vlerësim të bën të ndihesh krenar dhe ky çmim është për punën e të gjithë muajit dhe, pavarësisht se e marr unë, u takon djemve që derdhin djersën në fushë dhe kanë bërë maksimumin e tyre që unë të marr këtë çmim individual, por merita është e tyre.

Unë mendoj që ky është një çmim simbolik, nuk është se na jep një motivim më të madh. Nuk është hera e parë që çdo trajner merr, pas një muaji, çmim edhe për shkak të rezultateve, por e rëndësishme është që të vazhdojmë këtë rrugë që kemi nisur, aq më tepër në këtë fazë delikate të sezonit dhe shpresoj të marrim më të mirën”, tha trajneri i Tiranë, Orges Shehi.





Lajmet e fundit nga