LEXO PA REKLAMA!

SHKARKO APP

App Store
Google Play

Vranësira dhe reshje shiu/ Moti sot dhe nesër

6 Nëntor 2022, 08:05, Sociale CNA
Vranësira dhe reshje shiu/ Moti sot dhe nesër
Foto ilustruese

Vendi ynë mbetet në mbizotërimin e vranësirave të shpeshta përgjatë gjithë 24 orëshit, ku më të dukshme vranësira do të jenë në zonat Lindore. Parashikohet që vranësirat të pësojnë zhvillime herë pas here duke sjellë reshje të pakta shiu në ultësirën perëndimore, ndërsa në zonat malore reshjet do të jenë më të shumta.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 3°C deri në 21°C.

Era do të fryjë mesatarisht me shpejtësi 45 km/h nga drejtimi Veriperëndimor duke krijuar në brigjet detare dallgëzim 3 ballë.

Moti –  E hënë, 7 nëntor 2022

Vendi ynë në pjesën më të madhe të tij do të jetë me alternime kthjellimesh dhe vranësirash të pakta, ku më të dukshme kthjellimet do të jenë gjatë paradites në ultësirën perëndimore. Pritet që vranësirat të theksohen në orët vijuese, ku në zonat malore do të pësojnë zhvillime të përkohëshme duke sjellë reshje të pakta shiu.

Temperaturat e ajrit do të ulen në mëngjes, por rriten lehtë në mesditë dhe në mesditë duke luhatur vlerat ditore nga 2°C deri në 22°C.

Era do të fryjë mesatarisht në det me shpejtësi 40 km/h nga drejtimi Verior –Veriperënimor duke krijuar në brigjet detare dallgëzim 2 - 3 ballë./ CNA.al

Lajmet e fundit nga