web counter
LEXO PA REKLAMA!

SHKARKO APP

App Store
Google Play

E fundit!

x

Pensionet shtetërore në Evropë/ Gjysma e vendeve nuk mbulojnë kostot e jetesës, ja kur renditet Shqipëria

24 Mars 2026, 09:34, Sociale CNA

Pensionet shtetërore në Evropë/ Gjysma e vendeve nuk

Pensionet shtetërore në Evropë ndryshojnë ndjeshëm nga një vend në tjetrin dhe, në shumë raste, nuk janë të mjaftueshme për të përballuar kostot bazë të jetesës. Sipas një studimi nga kompania e burimeve njerëzore Moorepay, në 20 nga 39 vende evropiane pensionet nuk mbulojnë shpenzimet mujore, duke përjashtuar qiranë.

Studimi tregon se përqindja e mbulimit të kostove të jetesës nga pensionet varion nga vetëm 22% në Gjeorgjia deri në 225% në Luksemburgu. Në këtë të fundit, pensioni mesatar arrin rreth 28,790 euro në vit, ndërsa kostot e jetesës janë rreth 12,791 euro, duke krijuar një tepricë të konsiderueshme.

Vende të tjera me pensione që tejkalojnë ndjeshëm kostot e jetesës janë Italia (210%), Finlanda (208%), Spanja (199%) dhe Danimarka (189%). Në këto vende, pensionistët arrijnë të përballojnë shpenzimet bazë pa vështirësi të mëdha.

Ndërkohë, në shumë vende të Evropës Lindore dhe Ballkanit situata është më e vështirë. Shqipëria dhe Ukraina mbulojnë vetëm 29% të kostove të jetesës, ndërsa Moldavia arrin në 42%. Edhe në vende si Bosnjë dhe Hercegovina (53%) dhe Maqedonia e Veriut (61%), pensionet mbeten të pamjaftueshme.

Ekspertët theksojnë se dallimet lidhen kryesisht me nivelin ekonomik dhe strukturën e sistemeve të pensioneve. Sipas OECD, rreth 66% e të ardhurave të personave mbi 65 vjeç në Evropë vijnë nga transfertat publike, duke e bërë pensionin burimin kryesor të të ardhurave.

Në përgjithësi, ekziston një ndarje e qartë rajonale: në Evropën Veriore dhe Perëndimore pensionet shpesh mbulojnë ose tejkalojnë kostot e jetesës, ndërsa në Evropën Lindore dhe Ballkan ato zakonisht mbulojnë vetëm një pjesë të tyre./ CNA

Pensionet shtetërore në Evropë/ Gjysma e vendeve nuk





Lajmet e fundit nga