web counter
LEXO PA REKLAMA!

SHKARKO APP

App Store
Google Play

E fundit!

x

Tri trajtime me rozmarinë për flokë të fortë e plot shkëlqim

18 Korrik 2024, 08:26, Shëndeti CNA
Tri trajtime me rozmarinë për flokë të fortë e plot
Foto ilustruese, marrë nga Google

Të trajtosh flokët e dëmtuar apo t’i mbash ata të shëndetëshëm, janë dy procese njëjtë të vështira. Kushdo që ka flokë të gjatë apo delikatë e kupton fare mirë këtë.

Ndër kurat dhe trajtimet e pafundme, në krye të listës qëndrojnë gjithnjë ato me bazë bimore dhe natyrale. Një ndër to AgroWeb.org jua sugjeron dhe sot, për të pasur flokë të shëndetshëm e të fortë. Me siguri për rozmarinën e për shijen e saj të mirë në gatime keni dëgjuar, por këtë herë ju këshillojmë ta përdorni për flokët.

Kjo erëz është një trajtim natyral i mrekullueshëm, për sa u përket flokëve të dëmtuar dhe delikatë. Për ta përdorur te flokët tuaj lexoni më poshtë përgatitjen e saj fare lehtë në shtëpi.

Përse duhet ta përdorni

Së pari, rozmarina do t’u dhurojë flokëve një aromë të mrekullueshme dhe do ta bëjë ngjyrën e tyre më të fortë e të thellë. Gjithsesi, efektet më të rëndësishme kjo erëz i ka te shëndeti i flokëve dhe i skalpit të kokës.

Nëse vuani nga probleme të zbokthit apo me lëkurën e kokës, rozmarina do t’ju japë zgjidhjen më të shpejtë. Kjo pasi stimulon rritjen e mirë të flokëve, forcimin e rrënjës, shkëlqimin e tyre dhe ju çliron nga stresi.

Si ta përgatisni

Në këtë artikull AgroWeb.org ju këshillon tri mënyra të thjeshta e të shpejta që gjithsecili mund t’i përgatisë në shtëpi.

Vaji i rozmarinës

Për ta përgatitur vajin e rozmarinës nuk do t’ju duhet asgjë e veçantë, përveç një tufe nga erëza dhe pak vaj ulliri. Merrni një ose dy degë rozmarine dhe vendosini në një enë apo shishe qelqi hermetike.

Mbusheni atë me vaj ulliri, derisa rozmarina të mbulohet plotësisht dhe mbylleni mirë me kapak. Këtë enë lëreni në një vend të errët e të thatë për 1 muaj e më pas do të jetë gati.

Aplikojeni vajin në flokë të thatë para se të bëni dush. Bëjeni këtë që nga rrënja e flokëve deri te majat dhe mbajini për 1 orë në mënyrë që rozmarina të veprojë.

Uji i rozmarinës

Një tjetër mënyrë e lehtë dhe shumë natyrale e përdorimit të rozmarinës është nëpërmjet zierjes së saj në ujë. Për të përfituar shumë lehtë flokë të butë dhe të shkrifët, ndiqni këshillat e AgroWeb.org. Mbushni një tenxhere me ujë, vendoseni në zjarr të ziejë dhe shtoni brenda disa degë rozmarine.

Kur uji të jetë zier plotësisht dhe rozmarina të ketë lëshuar të gjithë ekstraktin e saj, fikni zjarrin dhe lëreni të ftohet pak. Më pas kulloni ujin me kujdes dhe mund ta shpëlani kokën me të menjëherë pas dushit. Gjithashtu mund ta ruani në shishe të vogla dhe të lyeni flokët çdo herë pasi bëni dush.

Tonik me rozmarinë

Për këtë trajim do t’ju duhet një përzierje e gjithë çfarë lexuat më lart. Në një shishe hidhni gjysmë litri ujë të nxehtë, 5 lugë gjelle ujë rozmarine si ai që shpjegohet më lart dhe 10 pika vaj rozmarine. Lëreni ujin të ftohet, e më pas aplikojeni këtë tonik te rrënjët e flokëve, si një trajtim kundër zbokthit dhe problemeve me skalpin./AgroWeb.org





Lajmet e fundit nga