E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Arsyet përse flisni në gjumë/ Rastet që paralajmërojnë probleme

9 Korrik 2024, 07:25, Shëndeti CNA

Foto ilustruese, marrë nga Google

E folura në gjumë është një nga fenomenet më interesante në organizmin e njeriut.

Pavarësisht se shumë njerëz në botë flasin në gjumë në një pikë të jetës, ekspertët janë akoma të paqartë se çfarë e shtyn njeriun të flasë kur është në gjumë.

Ka njerëz të tjerë që flasin shumë më gjatë se gjysmë minuti. E folura zakonisht mund të bëhet me përshpërima ose me të bërtitura.

Njeriu që flet në gjumë, është në gjendje të kryejë një bashkëbisedim të mirëfilltë, por që mund të jetë i pakuptueshëm për personin tjetër në dhomë.

A është normale e folura në gjumë?

E folura në gjumë konsiderohet një fenomen normal dhe nuk ka ndonjë domethënie klinike.

Ky është rregulli i përgjithshëm. Megjithatë, ekspertët thonë se kur e folura degradon në të bërtitur dhe ulërima në gjumë, atëherë mund të kemi të bëjmë me një simptomë të hershme të sëmundjes së Parkinsonit.

Nëse vëreni se ky problem shfaqet krejt papritur dhe është i vazhdueshëm, ekspertët rekomandojnë një vizitë te mjeku.

Arsyet përse flasim në gjumë

E folura në gjumë në shumicën e rasteve është e padëmshme, por në disa raste të tjera mund të tregojë jo vetëm një problem serioz me gjumin, por edhe diçka më serioze siç është sëmundja e Parkinsonit.

E folura në gjumë si fillim shfaqet te fëmijët nga 3-10 vjeç, të cilët kryejnë biseda të tëra kur janë në gjumë. Më pas ajo vërehet edhe te të rriturit, në shumicën e rasteve me intervale të caktuara. Ekspertët thonë se e folura në gjumë është e njëjtë në të dyja gjinitë, madje besohet se mund të jetë e trashëgueshme.

Shkaktarët kryesorë të këtij fenomeni janë:

-Përdorimi i medikamenteve të caktuara,
-Stresi emocional,
-Temperatura,
-Çrregullimet mendore,
-Përdorimi i substancave narkotike.
Ekspertët sugjerojnë shmangien e alkoolit dhe minimizimin e stresit për një gjumë të qetë dhe pa trazira./AgroWeb.org