web counter
LEXO PA REKLAMA!

SHKARKO APP

App Store
Google Play

E fundit!

x

Këshilla për qytetarët/ Si të mbrohen nga temperaturat e larta

17 Korrik 2024, 20:10, Shëndeti CNA
Këshilla për qytetarët/ Si të mbrohen nga temperaturat e
Foto ilustruese, marrë nga Google

Ministrja e Shëndetësisë, Albana Koçiu ka dhënë disa këshilla për qytetarët, për t’u mbrojtur nga temperaturat e larta.

Koçiu i sugjeron qytetarëve të pinë sa më shumë ujë, të përdorin veshje të lehta, të shmangin ekspoziin nga dielli, të përdorin mbrojtje nga rrezet dhe kompresa të ftohta.

Gjithashtu, ajo këshillon që qytetarët të dalin në orët më të freskëta të ditës, të mbrohen fëmijët e të moshuarit dhe të përdoren medikamente nga personat që kanë problleme shëndetësore.

Deklarata e plotë:

Për t’u mbrojtur nga temperaturat e larta të këtyre ditëve vere është e nevojshme ndjekja e këshillave mjekësore:

- Pini sa më shumë ujë për të shmangur dehidratimin dhe shmangni pijet alkoolike dhe ato me kafeinë, pasi ato mund të çojnë në dehidratim.

- Përdorni veshje të lehta, Vishini rroba të lehta, të lirshme dhe me ngjyra të çelura për të ndihmuar trupin të ruajë freskinë.

- Qëndroni në hije dhe shmangni ekspozimin e drejtpërdrejtë ndaj diellit, veçanërisht gjatë orëve të pikut (11:00-16:00).

- Përdorni mbrojtje nga dielli si dhe vendosni kapele me strehë të gjerë dhe syze dielli për të mbrojtur lëkurën dhe sytë nga rrezatimi UV.

- Përdorni kompresë të ftohtë, bëni dushe të ftohta ose përdorni ventilatorë dhe ajër të kondicionuar për të ulur temperaturën trupore.

- Zgjidhni orët më të freskëta të ditës duke kryer aktivitetin fizik herët në mëngjes ose vonë pasdite kur temperaturat janë më të ulëta.

- Monitoroni fëmijët dhe të moshuarit, pasi ata janë më të ndjeshëm ndaj temperaturave të larta dhe dehidratimit.

- Nëse keni probleme shëndetësore ose po merrni medikamente që mund të ndikojnë në aftësinë tuaj për t’u përballur me të nxehtin, konsultohuni me mjekun tuaj për këshilla të veçanta./ CNA





Lajmet e fundit nga