web counter
LEXO PA REKLAMA!

SHKARKO APP

App Store
Google Play

Studimi/ Përdorimi i rregullt i aspirinës ndihmon në uljen e rrezikut të kancerit kolorektal

2 Gusht 2024, 08:17, Shëndeti CNA
Studimi/ Përdorimi i rregullt i aspirinës ndihmon në uljen e
Foto ilustruese

Përdorimi i rregullt i aspirinës mund ta mbajë larg onkologun, të paktën kur bëhet fjalë për kancerin kolorektal, sipas një studimi të ri, raporton "CNN".

Kanceri kolorektal është shkaku i dytë më i zakonshëm i vdekjes nga kanceri në mbarë botën, parashikohej të shkaktonte më shumë se 52.500 vdekje vetëm në SHBA në vitin 2023.

Rreth 153.020 njerëz në SHBA u diagnostikuan me këtë gjendje në vitin 2023 dhe është bërë shumë më i përhapur në mesin e njerëzve nën 55, me numra më shumë se të dyfishuar në këtë grup nga një dekadë më parë, tregojnë studimet.

Shkaqet e kancerit kolorektal mund të jenë gjenetike, por disa faktorë të stilit të jetesës gjithashtu duket se rrisin rrezikun, duke përfshirë të ngrënit e një diete të pashëndetshme, mosbërja e ushtrimeve mjaftueshëm, pirja e alkoolit, pirja e duhanit dhe indeksi i lartë i masës trupore.

Përveç adoptimit të një stili jetese më të shëndetshëm, mjekët shpesh kanë rekomanduar aspirinë me dozë të ulët për të reduktuar rrezikun e kancerit të zorrës së trashë. Task Forca e Shërbimeve Parandaluese të SHBA-së bëri rekomandimin e aspirinës në vitin 2016, por ndryshoi kursin në vitin 2022 për shkak të shqetësimeve se ajo mund të shkaktojë gjakderdhje. Aspirina gjithashtu mund të shkaktojë probleme gastrointestinale.

Me ndryshimin e rekomandimeve, autorët e studimit të ri vendosën të shikonin nëse kishte ndonjë grup që do të përfitonte më shumë nga praktika dhe për të cilët aspirina do t'ia vlente rreziku.

Studimi nuk mund të përcaktojë pse përdorimi i rregullt i aspirinës dukej të ishte kaq i dobishëm, por hulumtimet e mëparshme kanë sugjeruar që aspirina mund të pengojë sinjalet proinflamatore që mund të çojnë në kancer./CNA 





Lajmet e fundit nga