Kripa, minerali që mbajti gjallë njerëzimin

26 Tetor 2025, 19:56, Shëndeti CNA

Në një kohë kur gjithçka demonizohet, le të kujtojmë një të vërtetë themelore:trupi njerëzor nuk funksionon pa natrium.

85% e dhimbjeve të kokës, lodhjes, marramendjeve apo rënies së presionit janë shpesh mungesë e thjeshtë kripe.

Jo gjithmonë stres, jo gjithmonë tension por hiponatremi: nivele të ulëta natriumi në gjak, që çojnë në çrregullim të ekuilibrit qelizor dhe funksionit nervor.

Çfarë ndodh kur mungon kripa? Dietologia Diola Dosti ka ndarë disa këshilla.

Kur kufizon shumë kripën, trupi humb elektrolitet. Uji nuk qëndron më brenda qelizave. Rritet kortizoli (hormoni i stresit).

Qarkullimi bie dhe truri dehidratohet prandaj ndjen dhimbje koke, lodhje, mjegull mendore.

Kripa nuk është “armik”, por është bateria jonë elektrike.

Po nëse ha shumë kripë?

Nëse kripa është e papërpunuar, trupi e rregullon vetë dhe tepricën e nxjerr përmes urinës.

Por nëse konsumon shumë sheqer të rafinuar, rritet insulina dhe trupi mban natriumin dhe kështu lind fryrja, jo nga kripa, por nga sheqeri.

Mos fajëso kripën e vërtetë për atë që ka bërë sheqeri.

Më shumë kripë = më shumë jetë

Kur u analizuan të dhënat e Intersalt Study, u pa se vendet me konsum më të lartë të kripës kishin edhe jetëgjatësi më të lartë.

Kjo jo për shkak të kripës vetë, por sepse kripa ruan ekuilibrin qelizor, qarkullimin, oksigjenimin dhe funksionin nervor.

Dallimi midis kripës së vërtetë dhe asaj industriale

Kripa e tryezës:

-Zbardhet kimikisht, humbet mineralet

-Shtohet me alumin dhe anti-ngjitës sintetikë

-Ka vetëm Na dhe Nl= çekuilibra elektrolitikë.

Lripa e papërpunuar (sea salt, himalayan, celtic):

-Përmban mbi 80 minerale (K, Mg, Ca, Zn, Si…)

-Ndihmon tensionin, gjumin, tretjen, humorin dhe Hh-në.

-Forcon imunitetin dhe parandalon ngërçet muskulore

Historia e kripës

Në lashtësi, kripa vlente më shumë se ari. Ushtarët romakë paguheshin me kripë, prej nga vjen fjala “salary”. Rrugë tregtare dhe luftëra u zhvilluan për këtë mineral. Pa të, nuk do të kishte jetë, tru, as muskuj funksionalë.

Studimet

PMID: 33351135- Marrja e kripës natyrale lidhet me jetë më të gjatë dhe vdekshmëri më të ulët.

PMID: 28325999- Kripa e detit mbrojti veshkat dhe tensionin te kafshët me stres oksidativ.

Trupi yt nuk ka nevojë për “zero sodium”, por për ekuilibër, për jetë, për elektricitet qelizor!