E fundit!

14:36 Qyteti im

Gëzim Topçiu rrëfen Maliqin e transformuar/ Investime, histori dhe vizioni për një bashki turistike

CNA TV udhëton këtë herë drejt Bashkisë së Maliqit, një te...

Arsyet befasuese përse ju bien flokët/ Kurat natyrale

23 Prill 2024, 08:28, Shëndeti CNA

Flokët u bien të gjithëve, nuk është çudi. Në disa raste, rënia e flokut i atribuohet ndryshimit të stinëve, e në disa të tjera mungesës së vitaminave.

Megjithatë, në këtë artikull të AgroWeb.org, do të mësoni për arsye të tjera shumë herë më befasuese të rënies së flokëve.

Medikamentet

Shumë medikamente siç janë holluesit e gjakut, solucionet kundër akneve të pasura me vitaminë A, ilaçet kundër artritit, depresionit, për zemrën dhe tensionin kanë efekte anësore. Një prej këtyre efekteve është rënia e flokut.

Lindja e një fëmije

Pas lindjes së fëmijës, nëna humbet shumë flokë për shkak të stabilizimit të hormoneve. Rënia e flokut ndalon 3-6 muaj pas lindjes.

Mungesa e hekurit

Rënia e niveleve të hekurit ndikon te shëndeti i flokut. Nëse në organizëm keni pak hekur atëherë do t'ju bien flokët, thonjtë do të jenë të brishtë, lëkura e verdhë e rrahjet e zemrës të shpejta.

Stresi

Stresi e plogështon sistemin imunitar. Shqetësimi dhe ankthi pengojnë rritjen e flokut dhe nxisin rënien e tij gjatë krehjes.

Larja e flokëve

Përdorimi i tepërt i solucioneve të larjes së flokut, krehja, fërkimi gjatë dhe pas larjes me peshqir nxit rënien e tij.

Tharëset

Tharëset e instrumente të tjera për dhënien e formës së flokut, llaku, boja e të tjera kanë ndikim në shëndetin e flokut.

Sëmundjet

Besojeni ose jo, rënia e flokëve është një simptomë e përbashkët e 30 sëmundjeve, përfshirë ato që rrezikojnë tiroiden apo imunitetin. Njeriut i bien flokët edhe kur është me grip, ka temperaturë apo një infeksion.

Duhani

Flokët nuk janë imunë ndaj duhanit. Toksinat te tymi i duhanit kanë një ndikim të fortë te floku duke penguar rritjen dhe nxitur rënien e tij.

Çrregullimet me të ngrënin

Anoreksia dhe bulimia janë dy nga çrregullimet më të forta të të ngrënit. Ato manifestohen edhe me rënien e flokut sepse trupi nuk merr ushqyesit e nevojshëm. Këto çrregullime mendore duhen trajtuar nga një mjek profesionist.

AgroWeb.org ju sjell më poshtë një kurë me veti të forta me bimën e hithrës, e cila forcon rrënjët e flokëve dhe parandalon rënien e tyre.

Lëngu i hithrës dhe si ta përdorni

AgroWeb.org ju udhëzon të zieni një grusht me hithra të njoma ose të thata në 250 ml ujë për 10-15 minuta dhe lëreni më pas të ftohet. Përdoreni pasi të keni larë dhe shpëlarë flokët si zakonisht. Më pas masazhoni flokët me lëngun e hithrës sidomos te pjesa e rrënjëve të flokëve dhe skalpit të kokës.

Mbajeni për rreth 10 – 15 minuta e më pas shpëlajeni. Përsëriteni këtë kurë të paktën dy herë në javë./AgroWeb.org