E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Populli, në protestë për lirimin e Veliajt

16 Korrik 2025, 12:11, Satire CNA

Erion Veliaj, me disa vendime gjykatash, ndodhet në masë sigurie arrest me burg.

Kryebashkiaku i Tiranës i arrestuar më 10 shkurt të 2025 ndodhet në qelitë e burgut të Durrësit, pasi gjykatat pas kërkesës së Prokurorisë e kanë lënë në masë sigurie sepse jo vetëm ka 13 akuza mjaft të rënda penale, 9 nga të cilat për korrupsion, 1 për pastrim të produkteve të veprës penale, 1 për shpërdorim detyre, 1 për futje të sendeve të ndaluara në burg dhe 1 për fshehje dhe mosdeklarim pasurie, por edhe për faktin se prishte provat.

Erion Veliaj vazhdon të qëndrojë në detyrë si kryetar i Bashkisë së Tiranës duke mos e dhënë dorëheqjen.

Pse Erion Veliaj duhet ta firmosë dorëheqjen
9 Korrik, 09:36

Ndoshta mund të duket për të qeshur, por duke jetuar në një univers paralel, ashtu siç dukej nga përgjimet dhe materialet e siguruara nga prokuroria, Erioni mendon se populli e do shumë.

Në fakt në përgjime e thotë edhe bashkëshortja e tij që halli tashmë nuk është imazhi i Erionit, por po të shikosh në rrjetet sociale Erioni ka ende hall imazhin dhe popullaritetin e tij si i zgjedhur vendor. Kërkon të rikthehet në detyrë megjithëse është kapur në korrupsion dhe e vërteta është se nuk jep dorëheqjen.

Pra, një njeri që është kapur në korrupsion dhe tashmë po fut në një ngërç të madh bashkinë e kryeqytetit që drejtohet nga një nënkryetare e komanduar.

Në fakt, mund të quhet që Bashkia e Tiranës tashmë është një nga institucionet më të shpartalluara.

Mjafton të shohim aksionet e fundit të qeverisë për të kuptuar se çfarë ndodh në territorin e kryeqytetit apo çfarë ka ndodhur me zyrtarët dhe bashkëpunëtorët e Veliajt.

Ndodhemi përballë faktit që nuk presim gjë tjetër veçse që Erioni t’i bëjë thirrje popullit që të dalë në protestë për lirimin e tij, ashtu siç ndodhi ditën e arrestimit para SPAK-ut, ku nxori administratën e bashkisë, por atëherë ishte ende në flakët e detyrës si kryetar bashkie.

Por tani nëse do të thërrasë protestë ndoshta nuk i shkon më as Alban Dokushi dhe studiot e tij ligjore, se nuk i ka mbetur njeri tjetër pasi të gjithë e kanë lëshuar.

Erion Veliaj ka një shans të vetëm që të tregojë se është qytetar dhe ka një standard europian, të japë dorëheqjen dhe t’i vihet në dispozicion drejtësisë dhe jo ta luftojë atë.

Të ketë betejë për të faktuar dhe provuar pafajësinë e tij, jo për t’u përballur me ëndrrat e tij imagjinare që shkojnë te sukseset e mëdha në punë, të cilat i poston përditë në rrjetet sociale, ndërkohë që mban peng një institucion, i cili në fakt ka qenë problematik edhe gjatë drejtimit nga Veliaj, por e ka kthyer në një institucion që mund të quhet ndryshe “një mizë pa kokë”./ CNA