web counter
LEXO PA REKLAMA!

SHKARKO APP

App Store
Google Play

E fundit!

x

Zhulali: Certifikimi i zgjedhjeve nuk do të jetë komod për qeverinë shqiptare

30 Qershor 2025, 17:49, Politikë CNA

Zhulali: Certifikimi i zgjedhjeve nuk do të jetë komod për

Përfaqësuesja e Partisë Demokratike, Ilda Zhulali deklaroi sot se certifikimi i zgjedhjeve parlamentare të 11 majit nuk do të jetë komod për qeverinë shqiptare.

I ftuar në ‘Syri Tv’, Zhulali u shpreh se gjetjet e raportit nga ndërkombëtarët nxjerrin në pah parregullsi të zgjedhjeve.

Zhulali komentoi edhe mbi situatën e vendit lidhur me proceset integruese.

“Për ta kapur këtë moment, si moment fatlum dhe jo si një pengesë dhe prandaj nisën këto takimet e shpeshta, por jo vetëm takimet por BE ka përgatitur dhe atë që quhet plani ekonomik i rritjes që është një paketë shumë e rëndësishme ekonomike. Bëhet fjalë për 6 miliardë euro që do të disbursohen në dy forma. 2 miliardë do të jepen në formë grantesh dhe 4 miliardë të tjera në formë kredish të buta. Por këto vijnë gjithmonë me kushte. BE nuk ka vendosur ti anëtarësojë vendet e Balkanit pa kushte thjesht sepse ka një moment gjeopolitik, por tregon se do ta përshpejtojë këtë proces në rast se këtu vendosen disa standarde minimale të funksionimit të shtetit. Këto standarde minimale fillojnë me Shqipërinë me një proces normal zgjedhor. Fatkeqësisht Shqipëria ende nuk i ka të certifikuara zgjedhjet e 11 majit, por të gjitha sinjalet na çojnë se ky certifikim nuk do të jetë komod për qeverinë shqiptare. Kjo pasi, gjetjet e raportit paraprak të OSBE-ODIHR, por edhe diskutimi në Parlamentin Evropian, në asamblenë e Këshillit të Evropës, sot në asamblenë kombëtare të OSBE, ka nxjerrë në pah parregullsi të tilla që e pamundësojnë certifikimin e këtyre zgjedhjeve si të lira dhe të ndershme”,-tha Zhulali./CNA  





Lajmet e fundit nga