web counter
LEXO PA REKLAMA!

SHKARKO APP

App Store
Google Play

Çudi e madhe Luli flet kundër Ramës/ “Tigri, model i kësaj qeverie”

28 Janar 2025, 19:23, Politikë CNA

Çudi e madhe Luli flet kundër Ramës/ “Tigri, model i

Lulzim Basha që herë pas herë vendos e të zgjohet nga “gjumi letargjik”, së fundmi ka reaguar nëpërmjet një postimi në rrjetet sociale për deklaratat e Arben Ahmetajt në daljen e fundit televizive. Luli, theksoi se qeveria e Ramës është ndër më të korruptuarat dhe të inkriminuarat në Europë. 

Reagimi i Lulzim Bashës:

Që qeveria e Edi Ramës është ndër më të korruptuarat dhe të inkriminuarat në Europë, tashmë është një e vërtetë e njohur për çdo shqiptar, e konfirmuar nga hetimet e SPAK dhe vendimet e gjykatave kundër krimit dhe korrupsionit. Pikërisht për këtë arsye, mijëra shqiptarë po braktisin masivisht vendin e tyre.
“Tigri i korrupsionit” është pasqyrimi më i qartë i modelit qeverisës së Edi Ramës. Po ashtu, fakti që Edi Rama dhe Sali Berisha janë në koordinim për të ruajtur karriget e tyre – njëri në pushtet dhe tjetri në opozitë – është i dukshëm për çdo shqiptar.
Dje, çdo dyshim që mund të ekzistonte, u hodh poshtë nga Arben Ahmetaj. Berishës iu dha vula e Partisë Demokratike nga Edi Rama për ta përdorur si mjet për të ruajtur pushtetin dhe për të zhvilluar luftra të brendshme politike. Nga ana tjetër, ai organizon protesta dhe denoncime me regji dhe bekimin e Edi Ramës.
Ky është pakti që synon të mbajë peng Shqipërinë dhe ti përdorin partitë për interesa personale. Me 11 maj shqiptarët e kanë në dorë të vendosin, nëse duan të vazhdojnë të përdoren për interesat e dy njerëzve apo do vendosin për fatin e familjes së tyre.
Shqipëria meriton më shumë. /CNA





Lajmet e fundit nga