Ligji për “Akademinë e Shkencave”/ Zhupa: Kuvendi dhe Akademia me dy qëndrime

28 Janar 2025, 14:40, Politikë CNA

Ligji për “Akademinë e Shkencave”/ Zhupa: Kuvendi dhe

Gjykata Kushtetuese ka marrë në shqyrtim në seancë plenare, ligjin ‘Për Akademinë e Shkencave’, për të cilin PD ka kontestime ndaj tij.

Deputetja Ina Zhupa tha se iu drejtua Gjykatës Kushtetuese me 3 kërkesa në lidhje me prezencën e akademikut Artan Fuga në seancë për të cilat nuk u dha asnjë përgjigje.

Sipas Zhupës është e patolerueshme që Kuvendi dhe Akademia e Shkencave të dalin me dy qëndrime të ndryshme.

Zhupa tha se është e papranueshme që akademikët që konkurrojnë për poste të larta në Akademi, të skualifikohen për shkak të kriterit të moshës, një shkelje kjo e hapur e Kushtetutës së Republikës.

“I jemi drejtuar Gjykatës Kushtetuese me 3 kërkesa për të marrë vendim nga trupa gjyqësore, në lidhje me prezencën e akademikut Artan Fuga në seancë. Ishte i pavend vendimi, që ne të parashtronim mendimet e akademikut Fuga. Ishte absurd që një akademik të asociohej me një subjekt që ishin palë, deputetët.

Absurdi ishte që s’ka një vendim nga trupa gjyqësore dhe ne kemi marrë përgjigje nga administrata e GJ.K. Ata duhet të mblidheshin sot e të na jepnin një arsyetim, letra nga administrata është në shkelje të Kushtetutës dhe ligjit, duke minuar procesin.

Thirrjen e dy deputetëve për të dëshmuar, se përse se kanë deklaruar se ligjin e kanë marrë nga Akademia e Shkencave apo e kanë iniciuar vetë. Sepse ne kemi dy qëndrime, na ka ndodhur absurdi që brenda Akademisë së Shkencave dhe Kuvendit, kemi dy qendrime të ndryshme. Pasi Kuvendi thotë se ua kemi dhënë ne deputetëve. Deputetët s’kanë deklaruar një gjë të tillë në seanca publike, as në dokumentet parlamentare.

S’ka një kërkesë të protokolluar për nënshkrimin elektronik. Është votuar një ligj pa raportet e relatorëve, në shkelje të Kushtetutës. Në pikëpamjen substanciale që është shkelur Kushtetuta, që të gjitha janë të barabartë para ligjit, që akademikët mbi 75 vjeç nuk mund të konkurrojnë për kryetar apo pjesë e asamblesë së forumit. Kryetari gëzon privilegje, ndryshe nga anëtarët.

Kushtetuesja të krijojë një standard për Kuvendin, që të mos lihen vetëm në dorën e mazhorancës, por konform rregullave të procedurave parlamentare”, tha Zhupa./ CNA