E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Ahmetaj i bën qokën Veliajt!

27 Janar 2025, 21:48, Politikë CNA

Ish-zëvendëskryeministri Arben Ahmetaj i ka bërë qokën kryebashkiakut Erion Veliaj. Ai ka dalë me tezat e kryebashkiakut të Tiranës se Belinda Balliku, zëvendëskryeministrja e cila shpesh raportohet si një person në konflikt me kryebashkiakun e Tiranës, ka paguar njerëz që të marrin pjesë në protestat kundër tij.

Në fakt opozita, Partia Demokratike, ka bërë gati 45 protesta kundër Erion Veliajt përpara Bashkisë së Tiranës çdo të premte, është denoncuesja e dosjes “5D” dhe CNA ka qenë një nga mediat që ka raportuar më fort dosjen “5D” dhe inceneratorët, aferat e Bashkisë së Tiranës.

Por, tashmë po na del se edhe Arben Ahmetaj paska një “dashuri” për Erion Veliajn dhe thekson se Belinda Balluku ka paguar protestuesë për të qenë para Bashkisë së Tiranës.

Ahmetaj i bën qokën Veliajt!

Në fakt ata 100 protestuesë që gjenden para Bashkisë së Tiranës nuk kanë nevojë të paguhen, ata janë militantë të Partisë Demokratike, janë njerëz të lirë dhe qytetarë që protestojnë kundër kryebashkiakut dhe në oborret e PD-së, në oborret e politikës i njohin të gjithë.

Mjafton t’i shikosh, nuk ka nevojë t’i paguajë Belinda Balluku, kanë qenë në protesta dhe qëndresa të tjera dhe Arben Ahmetaj nuk mund t’i fyejë protestuesit, nuk mund t’i fyejë njerëzit që rrinë për 45 protesta, për 45 ditë rresht para Bashkisë së Tiranës ndërkohë që Arben Ahmetaj vetë ka qenë ndoshta me mijëra ditë në krah të Erion Veliajt, kurse ata janë qytetarë, janë protestues, janë demokratë, njerëz të lirë që protestojnë dhe ata paguhen sipas “tigrit” të “Rilindjes” nga Belinda Balluku.

Ahmetaj i bën qokën Veliajt!

Kjo është një fyerje dhe një shërbim në fakt që edhe Çim Peka ia bën Arben Ahmetajt, por më shumë se sa këtij të fundit përtej intrigave të politikës, shërbimi i bëhet kryebashkiakut të Tiranës, Erion Veliajt, “zdromsit” që po hetohet për katër akuza të rënda penale.

Në fakt, Arben Ahmetaj ka gjithë të drejtën të sulmojë, të shajë, të akuzojë kë të dojë pasi me hallet që ka është në të drejtën e tij. Por, ajo që ndodhi duke sulmuar në mënyrë të turpshme protestuesit para Bashkisë së Tiranës është shërbimi më i madh që i bën Erion Veliajt dhe ndoshta ngre pyetjen? A është Arben Ahmetaj bashkë me Erion Veliajn dhe Mirel Mërtirin? Dhe, a është shërbëtori i tyre Çim Peka? /CNA