web counter
LEXO PA REKLAMA!

SHKARKO APP

App Store
Google Play

“Në 11 maj marrin Noc Rrokun”/ Rama fton qytetarin: Dalim për një xhiro!

28 Janar 2025, 16:10, Politikë CNA

“Në 11 maj marrin Noc Rrokun”/ Rama fton qytetarin: Dalim

Kryeministri Edi Rama vijoi me kundërpërgjigjet në rrjetet sociale ndaj komentuesve. Këtë herë, Rama i kushtoi vëmendje ndërtimit të shkollave të reja, ndërsa shtoi se Shqipëria do të vazhdojë drejt objektivit të Bashkimit Europian në vitin 2030.

“Të ftoj të dalim bashkë një xhiro nëpër Tiranë dhe t’i shohim bashkë shkollat, por duhet të marrim bukë me vete se janë shumë për t’u parë, madje na duhet të marrim nja 3 ditë, të paktën nja 3 ditë leje nga puna se 1 ditë është shumë pak për t’i parë të gjitha.

Janë 45 shkolla të reja në Tiranë, pa llogaritur 10 të tjera që janë në proces. T’i shohim gjatë javës që të shikosh edhe nxënësit që pastaj t’u mbushësh mendjen disave këtu që komentojnë dhe pyesin a ka më nxënës për shkollat e reja.

Ndërsa historia e grabitjes së oborreve është e vjetër shumë ajo, e kohës së rrumpallës së viteve ’90 dhe ashtu edhe kthimet e pronave në oborre shkollash janë dhe ato një histori e tejkaluar, edhe ajo e vjetër tanimë.

Një nga ato kthime u bë te shkolla 'Kosova'. Asokohe, isha kryetar bashkie dhe u thashë harrojeni se do të mund ndonjëherë të ndërtoni pallat në vend të shkollës sa të jem unë këtu. Prenë dhe pishat, pastaj i vunë zjarrin dhe godinës. Por, ama në fund shko shikoje, e ringritëm nga hiri si feniksin shkollën më të vjetër të Tiranës.

Meqë ke përmendur Noc Rrokun, e kam qejf Nocin. Noc Rrokun morën nga i gjithë ai agresion mbi truallin dhe mbi godinën e shkollës 'Kosova', njësoj siç do ta marrin më 11 maj, ku shqiptarët brenda dhe jashtë t’u tregojnë se Shqipëria nuk do të rrëshqasë më kurrë teposhtë, por vetëm do ngjitet e do ngjitet lart drejt majës së 2030 në Bashkimin Europian. Erdhi 11 maji, këtu do jemi”, tha Rama. /CNA





Lajmet e fundit nga