web counter
LEXO PA REKLAMA!

SHKARKO APP

App Store
Google Play

"U shqetësua nga programi i PD"/ Muçollari: Rama s’ka ekip dhe atë që kishte e ka lëshuar në dyert e drejtësisë

1 Prill 2025, 19:03, Politikë CNA

"U shqetësua nga programi i PD"/ Muçollari: Rama

Kandidati i PD për deputet, Grigels Muçollari në një dalje në Syri TV ka folur për programin e dy partive kryesore, PD dhe PS. Muçollari tha se Rama dhe kur e prezantoi programin ishte i vetëm, pasi nuk ka ekip sepse i kanë përfunduar në duart e drejtësisë.

Rama u shqetësua nga programi i PD, u shpreh Muçollari, pasi është hartuar nga specialistët më të mirë.

 

“Po t’i krahasosh të dyja retorikat e të dyja palëve, dmth palën tonë, PD dhe PS, e cila është kryesisht e shprehur vetëm nga zoti Rama, vë re me kujdes që Rama edhe në atë të ashtuquajturin prezantim program, ishte ONE MAN SHOË, që do të thotë se ai s’ka ekip dhe atë ekip që ka pasur e ka lëshuar në dyert e drejtësisë apo të burgut.

Frika e zotit Rama është që, ditën që bie nga pushteti, të ketë probleme me drejtësinë, sepse, siç e shohim, si kryeministër që është, është i paprekshëm në këtë aspekt. Kështu që, në këtë aspekt, pas 12 vitesh, nuk kishte si të kishte program zoti Rama. Patjetër, duke përdorur të gjitha fondet e administratës publike, por edhe burimet njerëzore, ai bën sondazhe të vazhdueshme për të parë se ku shkon shoqëria. Padiskutim që u shqetësua nga programi i Partisë Demokratike, pasi që është një program që flet për njerëzit, u drejtohet njerëzve, është një program i bërë nga specialistët më të mirë për t’ju drejtuar njerëzve. Programi i PD është një program që tenton të zgjidhë jetesën në Shqipëri, ky është program i njerëzve. Nga ana tjetër, kemi një retorikë deri diku bullizuese, sepse kur s’ke program, patjetër që do të transferosh vëmendjen duke treguar barsoleta dhe njëkohësisht edhe një tufë fjalësh që nuk thonë asgjë. Partia Demokratike ka një paketë që do ta realizojë brenda 100 ditëve të para, që quhet Paketa e Emergjencës ose Paketa e Dhembshurisë. Kemi një detyrim ndaj qindra e mijëra pensionistëve, të cilët kanë punuar 40, 45, 50 vite në këtë Shqipëri dhe sot ia pensioni nuk u del për 10 ditët e para të muajit.

Dhe ky detyrim i shoqërisë duhet reflektuar pa dyshim nga buxheti i shtetit. S’ka ndonjë çudi të madhe këtu. Ka para buxheti i shtetit! Për sa kohë ka para për 5D-ra, ka para për inceneratorë, ka para për qindra afera korruptive, ka para dhe për ata pensionistë që s’ja dalin dot të jetojnë. Ne kemi përgjegjësi ndaj shoqërisë. Menjëherë, Partia Demokratike, brenda 100 ditëve të para – është premtim solemn dhe një detyrim i shoqërisë”, tha Muçollari./ CNA





Lajmet e fundit nga