E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Punimet për rrugën Ndroq-Plepa dhe Urën e Beshirit/ Rama dhe Balluku inspektojnë projektet

1 Prill 2025, 13:24, Politikë CNA

Punimet për rrugën Ndroq-Plepa dhe Urën e Beshirit/ Rama dhe

Kryeministri Edi Rama dhe zëvendëskryeministrja Belinda Balluku zhvilluan sot inspektimin në rrugën Ndroq-Plepa. Ky është një projekt i cili është në fazën e parë të rehabilitimit dhe konsiderohet si një vepër e rëndësishme jo vetëm nga ana infrastrukturore, por edhe për zhvillimin ekonomik, bujqësor dhe agroturizmit që po merr zona. Gjithashtu, pjesë e projektit dhe inspektimit ishte dhe rindërtimi i Urës së Beshirit.

Gjatë fjalës së tij, kryeministri Edi Rama tha se ky është një aks shumë i kërkuar dhe tani i erdhi radha e rehabilitimit. Rama theksoi se kjo rrugë do të ndihmojë në zhvillimin ekonomik e turistik të zonës, për familjet, por edhe buxhetin e shtetit.

“Ky është një aks shumë i kërkuar. Dhe ja tani i erdhi radha.

Besojmë që edhe zhvillimi i turizmit do të jetë pozitiv, edhe për buxhetin e shtetit, edhe për ekonominë familjare”,-tha Rama.

Zëvendëskryeministrja Belinda Balluku u ndal te disa prej detajeve të projektit. Balluku theksoi se ndërtimi i urës do të jetë një ndihmë e madhe, pasi eliminon kthesat.

Balluku tha se synohet që këto punime të përfundojnë brenda dhjetorit të këtij viti.

“Ura eliminon kthesat që ndodhen atje. Pretendojmë të mbyllet brenda muajit dhjetor.

Në buxhetin e vitit 2026 parashikohen edhe shtesat e tjera prej 15 km në total. Ecuria është shumë e mirë, është 30% e volumit. Trafiku nuk mund të ndalohet sepse nuk ka një aks paralel.

Synojmë ta përfundojnë para natës së Vitit të Ri 2026.

Ura ndërtohet e gjitha e re, është 1.6 km dhe do të jetë rrugë e kategorisë C e që plotëson të gjitha kërkesat”,-tha Balluku./CNA