web counter
LEXO PA REKLAMA!

SHKARKO APP

App Store
Google Play

E fundit!

x

Teliti: Ushqimet me lista, shkaktari kryesor për falimentimin e dyqaneve të vogla!

20 Tetor 2024, 20:45, Politikë CNA

Teliti: Ushqimet me lista, shkaktari kryesor për falimentimin e dyqaneve

Anëtari i Këshillit Bashkiak të Tiranës, Dorian Teliti

Anëtari i Këshillit Bashkiak të Tiranës, Dorian Teliti, ka reaguar për të dhënat e Eurostat-it se 46% e shqiptarëve jetojnë në varfëri.

Me anë të një statusi në rrjetet sociale, Teliti deklaron se 46% e shqiptarëve jetojnë të zhytur në gropën e thellë të varfërisë janë ushqimet me lista.

Ai shprehet se varfëria po rritet dita ditës dhe listat ushqimore po shtohen gjithnjë e më shumë.

“Ushqimet me lista, shkaktari kryesor për falimentimin e dyqaneve të vogla!

Pas lajmeve të hidhura të Eurostat, ku thuhej se 46% e shqiptarëve jetojnë të zhytur në gropën e thellë të varfërisë,

Pas lajmeve të trishta nga Unicef, ku thuhej se 47% e fëmijëve shqiptarë janë të keq-ushqyer,

Pasi qeveria nuk shtoi asnjë qindarkë këtë vit për 65 mijë familjet që trajtohen me ndihmë ekonomike dhe aftësi të kufizuar,

Pasi u tallën me 25-leksha, me gjoja indeksimet e pensioneve,

Dhe rritjes së përmuajtshme të cmimeve të ushqimeve bazike,

Rezultati ishte i pritshëm...varfëria rritet dita ditës...listat ushqimore shtohen gjithnjë e më shumë...dyqanet e vogla ne lagjet e qyteteve shqiptare po mbyllen masivisht, pasi spo ja dalin dot më të mbijetojnë.

Sot më shumë se kurrë nevojiten vendime të forta dhe kurajozë, sot më shumë se kurrë nevojitet të implementohet minimumi jetik, ndryshe ditë edhe më të errta presin ekonominë, sipërmarrësin dhe sidomos tryezën e boshatisur familjare.

Reagoni, reagoni, reagoni, ndryshe nuk vjen ndryshimi!”, thekson Teliti./ CNA





Lajmet e fundit nga