E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse kërceu Plarent Ndreca nga belaja?!

20 Tetor 2024, 13:46, Politikë CNA

Plarent Ndreca, burimi LSA

Plarent Ndreca është një eksponent socialist, që hyn tek ato personazhet që të neverisin kur artikulojnë në media.

Ai ka një lloj arrogance dhe ironie, por më shumë të sjell pështirosje në mendim kur e dëgjon që flet me kompetencë, duke thënë se ai di gjithçka, se ato që thuhen nuk janë të sakta, se i di vetëm Plarenti dhe merr përsipër të japë vendime, në raste jep pretencën e prokurorit apo vendimin e Gjykatës, të gjitha i bën vetë, por kjo ka pak rëndësi.

Dje e pamë të mos ishte ky, Plarenti nuk ishte më ai i pseudokarizmës televizive të kthyer në ironi të neveritshme, e pamë të kërcente nga belaja.

Një konferencë e thjeshtë shtypi e Belind Këlliçit e nxori Plarentin nga binarët. Populli thotë “thuajse iku nga fiqiri”. (Lexo këtu)

Drejtuesi Politik i PD-së për Qarkun e Tiranës, Belind Këlliçi

Të gjitha ato që ka thënë dje Plarent Ndreca u përpoq bashkë me Rilindjen dhe 99-çat t’i bënin si veprime gjatë zgjedhjeve, para tyre dhe pas tyre, por janë çështje të superkonsumuara.

Ndaj çështja është të shohim Plarentin, pushtetin, pasi këta të opozitës nuk kanë çfarë t’u bëjnë shqiptarëve, nuk munden, nuk kanë pushtet, nuk kanë firma, nuk kanë poste.

Opozita këtë punë ka, çështja është përse kërcen Plarenti nga belaja, çfarë halli ka Plarenti?

Plarent Ndreca, burimi LSA

Kur ishte në Ministrinë e Arsimit ka pasur mundësinë që t’i bëjë të gjitha ato veprimet që thotë për Belindin sepse ka qenë edhe sekretar i Përgjithshëm, por kësaj do t’i kthehemi pak më poshtë.

Pse nuk i bëri? Ishte anëtar i Këshillit Bashkiak, pse nuk i bëri këto veprime? Ishte kandidat për deputet, pse nuk i bëri këto veprime deri dje?

Po Plarenti që ka qenë sekretar i Përgjithshëm kur ka ndodhur tenderi i uniformave? Ai mendon se është i ndershëm, se nuk e kuptojnë njerëzit strukturën si funksionon sekretari i Përgjithshëm, i di budallenj se lindi sot sekretari i Përgjithshëm që vajti dhe iku Plarent Ndreca nga detyra.

Plarent Ndreca

Në fakt, Al Capone-n nuk e dënuan për krimet e tij, por për evazione fiskale. Ndoshta edhe Plarenti mund të mos ketë probleme me drejtësinë për ato tenderët që janë zhvilluar nëpër institucione kur ai ka qenë sekretar i Përgjithshëm tek Arsimi, te Ministria e Brendshme, atje ku ka pasur më shumë raportime mediatike.

Deri më tani ajo që është e provuar është ajo që na tregoi dje Gazment Bardhi, që në fakt gazetarët, të cilët punojnë e raportojnë pranë SPAK-ut e dinë mjaft mirë se çfarë është tenderi i komisariateve dhe cila është problematika e Plarent Ndrecës, nën hetim nga Prokuroria e Posaçme gjithmonë. (Lexo këtu)

Gazment Bardhi

Ndaj dhe ndoshta mund të mos marrë asnjë përgjegjësi penale edhe për ato më sipër, edhe për këtë të komisariateve, edhe për hetime të tjera, por diku tjetër, me fakte të tjera, me prova të tjera për çështje që Plarenti mendon se dikush nuk i di si ajo që nxori Belindi dje dhe ai kërceu nga belaja, ndoshta do ta ketë vallen e madhe, do të kërcejë shumë.

Me atë të djeshmen, Plarenti tregoi se ai vetëm budalla nuk është, por nuk mund t’i marrë dhe të tjerët për budallenj, ashtu siç mendon se mund t’i trembë, mund t’i bëjë të tërhiqen me kërcënime për kallëzime apo veprime të cilat edhe po t’i bëjë nuk kanë asnjë vlerë.

Ajo që do të jetë si përfundim për Plarent Ndrecën do ta shohim në ditët në vijim dhe e kuptuam nga “kërcimi” i tij i djeshëm./ CNA