web counter
LEXO PA REKLAMA!

SHKARKO APP

App Store
Google Play

E fundit!

x

Reforma në Drejtësi/ Rama: Janë dënuar për herë të parë persona me pushtet

19 Tetor 2024, 11:33, Politikë CNA
Reforma në Drejtësi/ Rama: Janë dënuar për herë
Kryeministri Edi Rama

Kryeministri Edi Rama ka komentuar luftën kundër korrupsionit si dhe reformën në drejtësi, në podkastin e tij “Flasim”.

Rama deklaroi sot se për herë të parë në historinë e vendit kemi persona të lidhur me pushtetin politik nën hetim apo të dënuar nga prokurori dhe gjykata të pavarura, si SPAK dhe GJKKO.

“Ca bëmë ne? Heqje dorë nga pushteti politik mbi gjyqësorin dhe krijimin e SPAK, GJKKO për të luftuar korrupsionin ne hapëm këmishën dhe u ekspozuam bashkë me gjithë të tjerët. Jemi në pushtet, por s’jemi të imunizuar. Për herë të parë në historinë e këtij vendi, nga 1912 deri më sot, për herë të parë kemi persona të lidhur me pushtetin politik, me qeverinë në fuqi apo nga ata që ishin në qeveri në një raport shumë më të zhdrejtë se ç’duhet të jetë, që janë hetuar, nën hetim, të akuzuar, të dënuar nga Gjykata të pavarura nga pushteti politik. Si qenka kjo që nuk paskemi bërë progres dhe paska korrupsion gjithandej.

Qeveria ka detyrën të shfrytëzojë mandatin e saj që të garantojë me mospërfshirjen e saj pavarësinë e gjyqësorit dhe të mbështesë përmes kuvendit fuqizimin e gjyqësorit, duke ndërmarrë reforma dhe masa. Ky proces nuk është ti tregojmë Brukselit, por ta ndërtojmë këtu BE. BE është brumi i vetëm i djes për shtet ndërtimin”, u shpreh Rama.

Ndërkaq ministrja e Shtetit për Administratën Publike dhe Antikorrupsionin, Adea Pirdeni nënvizoi rëndësinë e kapitullit të shtetit të së drejtës dhe gjyqësorit, në negociatat me BE-në, ndërsa shtoi se Shqipëria duhet të dëshmojë se Reforma në Drejtësi është një proces i pakthyeshëm./ CNA





Lajmet e fundit nga