web counter
LEXO PA REKLAMA!

SHKARKO APP

App Store
Google Play

E fundit!

x

Moisiu, kritika qeverive/ “Shqipëria e Kosova të kenë strategji të përbashkët të mbrojtjes”

20 Tetor 2024, 11:57, Politikë CNA
Moisiu, kritika qeverive/ “Shqipëria e Kosova të kenë
Ish-presidenti Alfred Moisiu

Ish-presidenti Alfred Moisiu thotë se Shqipëria dhe Kosova duhet të kenë një strategji të përbashkët të mbrojtjes.

Ai thekson se dy vendet duhet të kenë bashkëpunim më të madh edhe ndërmjet shtabeve të ushtrive pasi vetëm në këtë mënyrë, sipas tij, mund të përballohet çfarëdo lloj aventure e Serbisë.

Në një intervistë për mediat në Kosovë, Moisiu shprehet se presidenti i Serbisë, Aleksandër Vuçiç, është ideatori kryesor i agresionit ndaj Kosovës, përmes sulmit terrorist në Banjskë.

Ish-presidenti i Shqipërisë deklaron se dialogu Kosovë-Serbi duhet të vazhdojë, ndërsa kërkon nga autoritetet kosovare koordinim më të madh me aleatët, sidomos me Shtetet e Bashkuara.

“Kam kritikuar edhe qeverinë në Shqipëri dhe atë të Kosovës, pasi duhet të koordinojmë më shumë dhe më mirë. Të kenë një strategji mbrojtjeje të përbashkët si komb. Duhet të bashkëpunojnë edhe ministritë e Mbrojtjes dhe shtabet e përgjithshme të ushtrisë shqiptare dhe të Forcave të Sigurisë së Kosovës”, nënvizon Moisu./ CNA





Lajmet e fundit nga